Home
Posible pa umanong makasuhan si Presidential Adviser on Political Affairs Ronald Llamas kaugnay sa pagbili ng mga piniratang DVDs.
Magugunitang inamin ng Optical Media Board (OMB) na hindi maaring sampahan ng kaso ang mga bumibili ng pirated DVDs alinsunod sa OMB Law.
Sinabi ngayong umaga ni OMB Executive Dir. Cyrus Valenzuela, posibleng makasuhan si Llamas sa paglabag ng Anti-Fencing Law pero kailangan lamang ma-establish na galing sa nakaw ang DVDs na binili.
Ayon Valenzuela, bagama�t hindi pa ito nasusubukan, maaring gawin ito ng isang concerned citizen at malalaman sa korte para magkaroon ng jurisprudence.
Sa Anti-Fencing Law, kasama sa makakasuhan ang bumibili ng mga ninakaw ng bagay.
Magugunitang hanggang sa ngayon, hindi pa rin lumulutang si Llamas matapos maaktuhang bumibili ng piniratang DVD sa isang mall sa Quezon City.
Wala pa ring opisyal na pahayag na inilalabas ang tanggapan nito sa isyu makaraan ang ilang araw na pagkakabatikos sa media.
Maging ang mga tagapagsalita ng Malacañang ay hindi pa rin makausap ang kontrobersyal na opisyal na nagpatay na umano ng telepono.
Sinabi naman ni Deputy Presidential Spokesperson Abigail Valte, duda sila kung maaaring kasuhan ng malversation of public funds si Llamas dahil malabo umanong pondo ng publiko ang ginamit nito sa pambili ng piniratang DVD.
Ayon kay Valte, bagama�t walang pormal na kasong kriminal na maihaharap, maaari pa rin namang ipagharap ng kasong administratibo si Llamas.
Una ng iginiit ng Malacañang na hindi ‘untouchable� si Llamas.
Hindi na umano ipinagtaka ng Malacañang ang performance ng prosekusyon sa paglilitis kay Supreme Court (SC) chief justice Renato Corona.
Magugunitang marami ang nahihinaan sa trabaho ng grupo ni lead prosecutor Niel Tupas at kailangan pa ang tulong senator-judges para mailabas ang gusto nilang testimonya.
Sinabi ngayon ni Deputy Presidential Spokesperson Abigail Valte, inamin din naman ng panel of prosecutors na hindi ordinaryong trabaho ang paglilitis sa impeachment trial.
Ayon kay Valte, hindi rin nila maitanggi na mas beterano at nakalalamang sa karanasan ang mga defense panel.
Gayunman, ang mahalaga umano ay naipapakita sa publiko ang kinakailangang ebidensya.
Iginiit din ni Valte na masyado pang maaga para husgahan ang kakayahan ng prosekusyon at malalaman pagdating ng resolusyon kung sulit ang kanilang efforts at ginamit na pera ng taongbayan.
“Yung ano po kasi nila, ‘yung kaso po kasi nila, nakikita naman po natin �yung kanilang nilalabas and even as admitted by the House panel of prosecutors, hindi po ito ‘yung ordinaryo nilang trabaho. They are legislators, they are members of the House. As such ang inaamin naman po nila is mas may experience ‘yung mga nasa defense panel even by years of experience makikita naman po natin. Siguro po �yon din ‘yung ibigay nating leeway sa kanila,” ani Valte.
Hiniling ngayon sa Department of Justice (DoJ) ng kampo ni Ramona Bautista, akusado sa pagpatay sa kapatid na si Ramgen Revilla, na baligtarin ang naunang resolusyon ng Paranaque Prosecutors Office na nag-utos ng pagsasampa ng kasong murder laban sa kaniya.
Ito ay sa pamamagitan ng petition for review na inihain ng abogado ni Ramona na si Atty. Jeffrey Gepte.
Ayon kay Gepte, umaasa sila na papanigan ng DoJ ang kanilang petisyon dahil hindi naman maituturing na kapani-paniwala ang mga testimonya ng mga testigo na kinabibilangan nina Glaiza Visda, Norwin dela Cruz at Ruel Puzon.
Hindi kasi umano magkakatugma ang mga pahayag ng mga nasabing testigo.
Naninindigan umano ang kaniyang kliyente na wala siyang kinalaman sa nasabing krimen.
Inamin din ni Gepte na nasa Turkey pa si Ramona at wala pa itong balak na umuwi sa Pilipinas.
Inamin ng Malacañang na nakatuon sa pagpapalakas ng depensa ng Pilipinas sa West Philippine Sea ang pinaplantsang deal sa Estados Unidos.
Sinabi ngayon ni Communications Sec. Ricky Carandang, layon nitong mapaigting ang kakayahan ng Pilipinas na ipagtanggol ang teritoryo mula sa panghihimasok ng ibang bansa.
Ayon kay Carandang, inaasahan dito ang karagdagang military equipment at US personnel deployment.
Pero paglilinaw ni Carandang, hindi pinag-uusapan sa deal ang pagpapanumbalik ng US military bases sa bansa na labag sa Saligang Batas.
Maliban sa US, may ginagawang military cooperation din naman ang Pilipinas sa Australia at iba pang Asian countries.
Hindi pa naman masabi ni Carandang na maisapinal na ito at malagdaan sa nakatakdang state visit ng Pangulo sa US ngayong Abril.
“It�s hard to say what to expect at this point the actions of other countries. But what we�re trying to do is we�re trying to enhance our capability to defend our territory,” ani Carandang. “Incursions into the disputed Philippine territory? Yes, yes, but not just that. Even everything that we�re doing to enhance poor maritime security, whether it be with the US or in our own or with other countries is meant to defend our territorial integrity.”
Pinahaharap ng Manila Regional Trial Court (RTC) si Justice Sec. Leila de Lima para sa gagawing pagdinig sa petisyon ni dating National Bureau of Investigation (NBI) Dir. Magtanggol Gatdula.
Batay sa subpoena ni Manila RTC Judge Felixberto Olalia, nakasaad na pinapaharap si De Lima sa gagawing pagdinig sa Lunes, alas-10:00 ng umaga.
Una nang nagpalabas ang korte ng TRO na iiral sa loob ng 72 oras laban sa pagsasagawa ng imbestigasyon ng DoJ sa reklamong kidnapping at extortion laban kay Gatdula.
Sa tatlong pahinang kautusan, nakasaad na may kapangyarihan ang korte na ikonsidera ang aplikasyon para sa pagpapalabas ng TRO lalo na kung ang kaso ay napakahalaga at ang aplikante o ang petitioner ay daranas ng grave injustice at irreparable injury.
Ito ay kasunod ng urgent petition for certiorari and prohibition na inihain ng dating NBI chief sa hukuman sa Maynila.
Pinangunahan ngayon ni Pangulong Benigno “Noynoy” Aquino III ang paglulunsad ng Philippine Business Registry System (PBRS) para sa mas pinabilis na pagpaparehistro ng negosyo.
Ito ay programa ng DTI, SEC, SSS, PagIBIG Fund at PhilHealth.
Ang PBRS ay magkakaloob ng isang one-stop-shop, online single office processing ng mga itatayong negsoyo sa bansa.
Sinabi ni DTI Sec. Gregory Domingo, mula sa dating limang araw na transaksyon sa nasabing mga ahensya, tatagal na lamang ng 30 minuto.
Ayon kay Domingo, bahagi ito ng pagsisikap ng gobyerno na i-streamline ang government processes at bawasan ang red tape upang hindi na mahihirapan ang mga nagtatayo ng negosyo.
“The launch of the PBRS represents a significant stride in our administration’s continuing efforts to streamline government processes and reduce red tape. Furthermore, this system means a level playing field for investors and entrepreneurs, and both SMEs and corporations, will find that it is now easier to set up shop in the Philippines,” ani Deputy Presidential Spokesperson Abigail Valte.
Gulat ang ilang mamamahayag at tauhan ng korte, matapos ilabas ng House prosecution panel ang listahan ng kanilang ipapatawag na testigo sa mga susunod na araw ng impeachment trial sa kaso ni Chief Justice Renato Corona.
Kabilang sa listahan ang blogger na si Raissa Robles, para sa isyu ng pagiging malapit umano nina Corona at dating Pangulong Gloria Arroyo; writer Criselda Yabes, Marites Vitug ng PCIJ, Justice Secretary Leila de Lima, doktor ni Arroyo na si Dr. Juliet Gopez-Cervantes, Dr. Mario Ver, Supreme Court process server, Supreme Court process cashier, ABS-CBN TV reporter Ina Reformina, Deputy Clerk of Court, Enriqueta Vidal, Assigned Process Server o sheriff, Araceli C. Bayuga, SC Chief Judicial Officer, certain Juliet ng Office of the Clerk of Court, Jay Francis P. Baltazar, Assigned Cashier to Receive Payment, Justice Maria Lourdes Sereno, Justice Jose Midas P Marquez (hostile witness), Justice Presibetero J. Velasco, Jr. (hostile witness), at marami pang iba.
Angal ng ilang mamamahayag, huwag na sanang ipatawag ang nasa hanay ng media dahil naghahayag lamang naman sila ng mga pangyayari.
Maaari din namang i-subpoena na lamang ang mga tape ng interview o coverage, sa halip na ang mismong reporter o manunulat dahil possible pa itong makulayan.
Sa kabila nito, hindi pa naman tiyak na maipapatawag ang mga pangalang nabanggit dahil depende pa rin sa impeachment tribunal ang desisyon sa pagpapaharap ng testigo.
Una rito, nabanggi ni Rep. Miro Quimbo, isa sa spokesman ng prosekusyon, mahigit pa sa 90 ang kanilang mga testigo na nakahanay.
Samantala, inaasahan na rin na magiging aktibo na sa susunod na mga pagdinig ang papel ng dating Ombudsman na si Denni Villa-Ignacio na bahagi rin ng prosecution team noon sa impeachment trial laban kay dating Pangulong Joseph Estrada.
Batay sa mga dokumento, ilan sa mga ebidensyang dadalhin ng mga testigo ang mga sumusunod:
1. Certified true copies of the Service Records of CJ Corona as Chief of staff and spokesperson of then Vice President Gloria M. Arroyo, and later as chief of staff and spokesperson of then President Gloria M. Arroyo as well as acting executive secretary of then President Gloria M. Arroyo.
B. With reference to the testimony of Atty. Enriqueta Vidal
1. Certified true copies of the Service Records of CJ Corona as Associate Justice (April 9, 2002 to May 16, 2010) and as Chief Justice (May 17, 2010 to present).
C. With reference to the testimony of Prof. Harry Roque
1. Chart/table showing the voting pattern of the respondent as a member of the Supreme Court.
D. With reference to the testimony of Undersecretary Jose Luis C. Gascon
Certified photocopies of portions of the Records of the Constitutional Commission.
E. With reference to the testimony of Ms. Donna Z. Pazzibugan
1. PDI issue of May 18, 2010
F. With reference to the testimony of Ms. Emma Rey
Certified photocopies of portions of the Records of the Constitutional Commission.
Ang mga listahan ng testigo at dokumento ay isinumite alinsunod sa kautusan ng tribunal noong Enero 24, 2012.
Nilinaw ngayon ng Malacañang na walang dapat ikabahala o ikagulat sa deal na niluluto ng Pilipinas at Estados Unidos para sa mas malawak na military cooperation.
Magugunitang kinumpirma ni Defense Sec. Voltaire Gazmin ang Washington Post report na nagsasabing kasalukuyang isinasapinal ng magkabilang gobyerno ang nasabing negosasyon.
Inaasahan umano rito ang karagdagang military equipment at U.S. personnel deployment para mapalakas ang depensa ng Pilipinas.
Sinabi ngayon ni Communications Sec. Ricky Carandang, walang kinalaman sa deal ang pagpapanumbalik ng U.S. military bases sa bansa na labag sa Saligang Batas.
Ayon kay Carandang, maliban sa U.S. may ginagawang military cooperation din naman ang Pilipinas sa Australia at iba pang Asian countries.
Hindi pa naman masabi ni Carandang na maisapinal na ito at malalagdaan sa nakatakdang state visit ng Pangulo sa Amerika sa darating na Abril.
Bagama�t maayos umano ang takbo ng negosasyon, hindi pa masabing magkakaroon na ng lagdaan sa meeting ng Pangulong Aquino kay US Pres. Barack Obama.
Tumanggi naman si Carandang na kumpirmahin na may kinalaman dito ang umano’y 12 F-16 fighter planes na bibilhin ng Pilipinas sa Estados Unidos.
KORONADAL CITY – Ibinaba sa life imprisonment mula sa death penalty ang hatol na ipinataw ng Chinese officials sa isang overseas Filipino worker (OFW) mula sa Tulunan, North Cotabato dahil sa kasong drug trafficking.
Ito ay batay na rin sa rekomendasyon ng Fuijan Provincial Jail Administration Bureau makaraang nagpakita ng magandang ugali at performance ang OFW na kinilalang si Richard Bianan.
Kinumpima ni North Cotabato 2nd District Rep. Nancy Catamco ang nasabing impormasyon base na rin sa sulat mula kay Department of Foreign Affairs (DFA) Undersecretary Esteban Conejos, Jr.
Ayon sa kongresista, ipinabatid ng Philippine Consulate General sa Xiamen, China ang natanggap nito na note verbale mula sa Fujian Provincial Higher People�s Court kung saan kinumpirma ang commutation ng hatol para kay Bianan.
Napag-alaman na si Bianan ay nabilanggo mula pa noong 2008 makaraang hatulan ng guilty sa kasong drug smuggling.
Nakuha umano sa pag-iingat ni Bianan noong Hulyo 2008 ang umaabot sa 91 oval capsules na puno ng heroin na umaabot sa 1,009.3 grams.
Kung maaalala, hindi naging maswerte ang kapalaran ng 35-anyos na Pinoy na binitay sa pamamagitan ng lethal injection noong lamang December 8, 2011 dahil sa pagpupuslit ng droga sa Guangxi, China.
BACOLOD CITY – Ikinalungkot ng mga kapwa mambabatas ni Negros Occidental 5th District Rep. Ignacio “Iggy” Arroyo ang biglaang pagpanaw nito sa London.
Ayon kay 4th District Rep. Jeffrey Ferrer, nabigla ito nang matanggap ang impormasyon dahil umaasa ito na makakabalik pa sa lalawigan si Iggy na huli niyang nakausap nang ito ay dumaan sa kaniyang tanggapan bago tumulak sa London upang magpagamot.
Inilawaran nito ang mambabatas na mabuti at mabait na tao.
Kawalan din aniya sa mga nasa ika-limang distrito ng lalawigan ang pagpanaw ni Cong. Iggy dahil sa maraming naitulong nito sa kaniyang mga constituents sa pamamagitan ng kaniyang mga proyekto.
Napamahal na rin aniya ito sa mga residente dahilan upang mahalal ito ng tatlong termino.
Nanghihinayang naman si 6th District Rep. Mercidez Alvarez sa pagpanaw ng kapwa mambabatas dahil marami pa aniya silang napag-usapang mga panukala na ipapasa sa Kongreso at mga proyekto para sa lalawigan ng Negros Occidental.
Para naman kay dating Bacolod congressman at ngayon kay Philippine Olympic Commitee Chairman Monico Puentevella, sinabi nito na tahimik lamang sa Kamara si Iggy ngunit ito ay masipag magtrabaho.
Aniya, tanging panalangin na lamang ang kaniyang maiaalay sa sumakabilang buhay na mambabatas na kaniyang nakasama sa trabaho sa loob ng anim na taon.
Napag-alaman na pumanaw ang mambabatas sa edad na 61-anyos nang kinuha ang life support nito matapos maging “clinically dead” dahil sa cardiac arrest.
Si Cong. Arroyo ay simulang nagpagamot sa London noong nakaraang taon dahil sa liver ailment.
Si Rep. Arroyo ay naging kontrobersiyal makaraang dalawang beses na isinalba umano ang kapatid na si Mike upang hindi madiin sa “Jose Pidal” account at chopper scandal.
Ang Jose Pidal account ay sinasabing pag-aari ng dating first gentleman subalit inako ni Iggy Arroyo ang account na umano’y galing sa jueteng payola.
Nitong nakaraang 2011 lang ay muling ipinagtanggol ni Rep. Iggy ang kapatid nang masangkot sa pagbebenta ng mga lumang chopper sa PNP.
Sinasabing ang mga chopper na pag-aari diumano ni dating FG Arroyo ay luma pero ibinenta sa PNP sa halagang bago.
Subalit inako ni Iggy na ang kompaniya kung saan siya ang presidente at may-ari ng naturang mga choppers bagama’t hindi na ito nakadalo sa imbestigasyon na isinagawa ng Senate blue ribbon committee dahil nagpapagamot ito sa London noon