BACOLOD CITY—Naglab-ot sa P1, 298, 429 nga cash ang nataban sang wala pa nakilala nga mga suspects matapos ginkawatan ang isa ka establishemento komersiyal sa Bacolod kagabi.
Nadiskubre nga gin- ransack ang Sunvest Marketing sa Luzuriaga-Gatuslao St., paagi sa pagguba sang padlock sa slide door sa entrance kag nag deretso sa third floor sang building sa diin nabutang ang vault nga ginabutangan sang kuarta kag amo man ang talatapan sang OIC nga si Yeng Yan Leng.
Magluwas sa cash nadula man ang 21 ka panid nga tseke, 3 ka passport kag sweldo sang mga trabahante nga nagalab-ot sa P40,000.
Ang insidente na diskubre sang supervisor sang establishemento komersiyal nga si Rosavilla Valdevieso las 10:00 sang aga.
Sa pag imbestigar sang kapulisan, gina konsiderar ang anggulo sang inside job sa insidente bangod kabisado sang mga suspects ang alagyan padulong sa ginabutangan sang vault nga nasudlan sang kuarta nga ila benta sa negosyo.
Tanan nga mga empleyado sang establishemento ang gina konsiderar sa karon nga suspects kag ipaidalom sa imbestigasyon.
Nahibaluan nga gindala sang mga suspetsado ang vault sa ila pagpalagyo.
Philippine Peso Exchange Rate
0 Comments.