ILOILO CITY– Kapin 23 mil ka ektarya sang pananum sa bilog nga probinsya sang Iloilo ang apektado na sang tig-ilinit epekto man sang mabatyagan nga El Niño phenomenon sa pungsod.

Sa ginsomiti nga report sang 23 ka banwa sa Department of Agriculture sa probinsya sang Iloilo, nagapanguna ang banwa sang Dumangas kag San Enrique sa pinakaapektado kun sa diin naglab-ot kapin 3 ka libo ka ektarya kada banwa ang apektado.

Apektado man sang tig-ilinit sa subong ang banwa sang Zarraga, Cabatuan, Igbaras, Alimodian, Concepcion, Janiuay, Leon, Oton, Carles, Tigbuan, Tubungan, Leganes, Dumangas, Ajuy, Sta. Barbara, Mina, Dingle, Pavia, New Lucena, Anilao, Guimbal kag Barotac Nuevo.

Ginabanta nga naglab-ot na sa kapin P200-M ang balor sang halit sa mga pananum.

Ginalauman naman ni Dr. Eldefonso Toledo, provincial agriculture officer nga magataas pa ang balor sang halit bangud 20 pa ka banwa ang wala nakasomiti sang ila damage report sa iya talatapan.