GENERAL SANTOS CITY – Patay ang usa ka igsuon samtang nagpabilin pa sa ospital ang laing usa ka igsuon sa natigayong pagpangdunggab sa Crossing Pendatun-National Highway ning dakbayan.
Giila ang namatay nga si Elvin Blanella, gideklarang dead-on-arrival sa ospital tungod sa samad-dinunggaban sa dughan.
Samtang ang igsuong si Ronie Blanella, nagpabilin sa ospital ug samdan sa tiyan.
Ang managsuon, residente sa Blk-2, Doña Soledad, Brgy. Labangal ning dakbayan.
Samtang ang usa sa mga suspek sa pangpangdunggab mao si Rommel Medalla, 20-anyos, taga-Laurel East ning dakbayan.
Base sa imbestigasyon sa kapulisan, gainom ang managsuong Blanella sa maong dapit, samtang ang grupo ni Medalla ang anaa sa pikas nga lamesa.
Mipauli matud pa si Medalla apan nabilin ang iyaha nga cellphone.
Sa iyahang pagbalik, kauban na niini ang duha ka mga tawo nga nakiglalis sa managsuong Blanella ug misangpot sa pagpanunggab sa mga biktima.
Nasikop sa kapulisan si Rommel Medalla ug si Jay Simeni, samtang ang amahan ni Jay nga si Justino Simeni ang naka-ikyas human sa panghitabo.
Ang kaso, gipasaka na kaganihang buntag batuk sa mga suspek.
Philippine Peso Exchange Rate
0 Comments.