Pinoy Balita

KORONADAL CITY – Ginhikayan lamang sang Moro Islamic Liberation Front (MILF) ang  suporta sang Ulama League of the Philippines (ULP) sa Zenarosa Commission agud nga bungkagon ang mga private armies sang mga pulitiko sa pungsod.

Ini ang ginpahayag sa Bombo Radyo  Koronadal ni MILF spokesman Eid Kabalu nga tubtob pahayag lamang ang suporta sang Ulama bangud nga wala sila sang pwersa batuk sa mga private armies sa Mindanao.

Ginpahayag subong sang MILF nga ang mga kaalyado lamang ni Pangulong Gloria Macapagal-Arroyo ang may mga private armies sa pungsod nga kinahanglan bunggkagon.

Suno kay Kabalu nga madugay na ini nga plano sang gobyerno sang Pilipinas nga bungkagon ang mga private armies sa pungsod apang tubtob subong nagapabilin pa ang mga ini sa mga pulitiko.

Suno sa iya ‘political will’ lamang sang gobyerno ang solusyon sa problema sa private armies kag wala sang dapat nga pangapinan ang gobyerno sa pagpatuman sang nasambit nga kamanduan.