CEBU CITY- Malipayong mukanaog sa iyang pwesto pagka-pangulo sa nasud karong Hunyo 30 ning tuiga si Presidente Gloria Macapagal Arroyo.
Kini ang iyang gipamahayag atol sa iyang ika-9 nga pagduaw dinhi sa Sugbo alang sa Philippine Councilor’s League sa Cebu International Convention Center kagahapong adlawa.
Gipasalamatan sa Pangulo ang tanang mga konsehales sa tibuok nasud sa ilang mga nahimo arun matubag ang nag-unang giatubang sa nasud karon sama sa disaster preparedness og climate change.
Giawhag niini ang mga konsehal nga ipasa sa mga sunod nga mamumuo ang ilang mga nakat-unan arun adunay hapsay nga pagtugyan sa musunod nga administrasyon.
Gipasalig usab ni Arroyo nga dili siya manginlabot sa umaabot nga piniliay og iya nalang kining itugyan ngadto sa Comelec ang pagbaton og hapsay og ligdong nga eleksyon.
DAVAO CITY – Grabe ang gibating kalipay sa mga negosyante sa deklarasyon ni Pangulong Gloria Macapagal Arroyo sa Mindanao ilalom sa state of calamity.
Kini ang nahimong reaskyon ni Mr. Antonio Uy, usa ka negosyante sa Davao ug Chairman sa Philippine National Red Cross- Davao Chapter.
Epektibo sumala pa kini nga pamaagi aron matubag ang problema nga giatubang karon sa Mindanao sa power crisis.
Gilauman nga matubag na ug masulusyunan ang power crisis problem sa Mindanao.
Samtang sa pikas bahin, dali nga nagpatawag og tigom ang Davao City Chamber of Commerce and Industry aron tukion ang deklarasyon sa state of calamity sa Mindanao.
CEBU CITY – Gihimakak sa Police Regional Office-7 nga dunay natigayon nga binayranay sa pagkagawasnon sa negosyante nga gidagit sa Brgy. Dulao, Bago City, Negros Occidental.
Tak-um gihapon ang PRO-7 sa paghatag ug impormasyon kun asa nga lugar sa Central Visayas gibuhian si Jordan Chua sanglit padayun gihapon ang ilang hot pursuit operation batok sa mga responsale.
Nasayran nga ugma pa ipagawas sa PRO-7 ang opsiyal nga impormasyon kalabot sa pagkagawasnon sa negosyante sa buhatan sa PNP headquarters sa Campo Crame, Quezon City.
Kahinumduman nga gidagit sa upat ka mga responsible niadtong ika 5 sa Marso ning tuig si Chua samtang nagbike sa nahisgutan nga lugar.
GENERAL SANTOS CITY – Nagpadayon ang kampanya sa GenSan City Police Office sa ilegal nga sugal dinhi sa dakbayan.
Matud pa ni Police/Chief/Insp.Leo Sua sa IDMS, padayong gimonitor sa walo ka mga presinto sa kapulisan ang ilang area of jurisdiction kabahin sa illegal gamblings nga gilangkuban sa illegal numbers game kon last-two, tari-tari, sugal nga baraha ug hantak.
Gikanayon pa ni Chief/Insp. Sua nga sukad sa bulan sa Enero hangtud Marso, napulo ka mga tawo na ang ilang nasikop ug napasakaan ug kaso gumikan sa pagkalambigit sa illegal numbers game.
Samtang aduna usay mga dapit nga ilang gimonitor tungod sa pagpahigayon ug ilegal nga sabong ug hantak.
Gikanayon ni Chief/insp. Sua nga kon adunay lugar nga gapahigayon ug sabong nga walay permit, ang mga pulis nga na-assign sa maong lugar ang adunay responsibilidad nga mututok ug mu-respondi niini.
GENERAL SANTOS CITY – Nananawagan si Mrs. Dionesia Pacquiao sa lahat ng mga fans nito at ng anak na si WBO at 7 Division world champion Manny Pacquiao na ipagpatuloy ang pagdarasal para sa kapanalunan ng pambansang kamao sa pakikipaglaban kay Joshua Clottey sa araw ng Linggo.
Naniniwala si Mommy Dionesia na hindi pababayaan ng Maykapal ang kanyang anak, lalo na at walang humpay ang kanyang pagdarasal nang sa gayuy walang mangyayaring masama kay Pacman sa pakikipagsuntukan kay Clottey.
Sa araw ng Linggo, dadalo ng misa si Mommy Dionesia sa Our Lady of Peace and good Voyage at pagkatapos at doon na ito tutuloy sa mansiyon ng mga Pacquiao sa Brgy. Lagao.
Aminado si Mommy Dionesia na kahit desidido na talaga itong pahintuin na ang anak sa pagboboksing, ngunit kanya pa ring idinadalangin ang tagumpay nito para sa dangal ng banang Pilipinas.
Nagpapasalamat naman ito lahat ng mga Pinoy dahil sa ipinakitang suporta sa boxing career ni Pacman.
CENTRAL MINDANAO-Gi – reklamo ni Maguindanao 2nd District Rep. Simeon Datumanong, ang pagronda sa otoridad sa pinuy-anan sa iyang ginikanan sa Poblacion, Shariff Aquak human gikalot ug giguba sa raiding team ang lubong sa iyang duha ka miyembro sa pamilya.
Ang kaso gisang-at batok sa National Bureau of Investigation (NBI) Criminal Investigation and Detection Group (CIDG-12) uban ang militar ug kapulisan nga maoy misulod sa bay ni Datumanong.
Matud ni Maguindanao Police Provincial Director SSupt Alex Linesses,nga legal ang raid gumikan dunay search warrant gikan sa usa ka korte sa Metro Manila aron pangitaon ang posibling gitago nga armas ug mga bala gumikan ang pamilyang Datumanong paryente sa mga Ampatuan ug ang ilang bay duol lang sa mga mansiyon ni kanhing Armm Governor Datu Zaldy Ampatuan ug Maguindanao Governor Datu Andal Ampatuan.
Gidugang ni Datumanong nga ang gihimo sa mga raiding team, dakong sagpa sa tinuohang Islam ug tradisyon sa mga Muslim gumikan ilang gikalot ug giguba ang lubong sa iyang pamilya.
Gibati sab ug kahadlok ang pamilyang Datumanong sa pagronda sa otoridad gumikan puros kini nakamaskara ug armado pa sa tag-as nga matang sa armas.
Giklaro ni Linesses, nga wala silay gisupak sa balaod ug ila lang gisunod ang search warrant gikan sa korte, diin mga sakop sa NBI ug CIDG ang misulod sa bay sa mga Ampatuan, diin ang mga pulis ug sundalo, gitahasan lamang alang sa seguridad sa raiding team. (Bombo Garry Fuerzas)
GENERAL SANTOS CITY – Dili na madayon ang libreng viewing sa Pacquiao vs Clottey fight sa Lagaio Gymnasium ning dakbayan sa Heneral Santos karong dominggo.
Kini ang gikumpirma mismo ni Mayor Pedro Acharion sukwahi sa nanglabayng mga away ni Pacquiao.
Matud sa mayor nga gumikan kay dili masigurado sa National Grid Corporation of the Philippines o NGCP ug electric cooperative sa Gensan nga mao ang Socoteco 2 nga walay mahitabong brown out sa adlawng dominggo.
Matud pa sa mayor nga tunga sa milyon ka pesos ang bayran sa lokal nga gobyerno alang sa libreng viewing sa nahisgutang panagsangka ug masayang lamang tungod basin adunay brown out maputol lamang gihapon ang pagtan-aw sa mga boxing fans ni Manny tungod walay generator ang gymnasium.
Nasayran nga halos kada tuig nga gapahigayon og libreng viewing sa mga away ni Pacquiao sa Lagao gym nga sagad manghuot tungod sa kadaghan nga manan-aw.
Luyo nga walay makit-ang libreng viewing sa Pacquiao-Clottey fight giawhag na lamang ni Mayor Acharon ang mga katawhan sa Gensan nga padayon lang nga iampo ang kadaugan ni Manny Pacquiao.
CEBU CITY – Gihagit sa Human Life International (HLI) ang Department of Health (DOH) nga magpakita ug mga nasud diin mikunhod ang kaso sa HIV/AIDS human nanghatag ug mga condoms.
Kini ang hagit nga gipatunol sa pakighinabi sa Bombo Radyo Cebu, ni Dr. Rene Joseph Bullecer, executive director sa HLI batok kang DOH Sec. Esperanza Cabral.
Hugtanon nga gikondinar ni Bullecer ang pagbasol ni Cabral sa simbahan nga katoliko nga gikatahong mibabag sa ilang mga lakang pagsugpo sa AIDS sa nasud.
Matud ni Bullecer nga bisan ang mga nasud nga duna lay gamay nga mga katoliko ang mas daghan pa ug natala sa maong sakit.
Base sa iyang pakisusi nga sa 309 billion nga populasyon sa Estados Unidos duna lay 32% nga mga katoliko apan 800% ang pagkatap sa AIDS.
Samtang sa Thailand diin 2% lang ang mga Katoliko sa 168 million nga populasyon mikabat sa 1,116,000 ang kaso sa AIDS.
Gilauman ni Bullecer nga nasabtan ni Cabral ang katungdanan sa simbahan sa paggiya sa moralidad sa mga Pilipino.
Hinuon gipasalig sa HLI nga andam na ang ilang debating team sa Kauluhan arun mutubag sa hagit nga debate sa DOH secretary.
DAVAO CITY – Dako ang pagtuo ni Mr. Simeon Marfori, kanhi Davao City Chamber of Commerce and Industry Incorporated (DCCCII) President nga ang pagdeklara ug state of calamity sa Mindanao posibleng daku ug ikatabang sa hisgotan sa power crisis, apan kung hisgotanan sa huwaw ug sa El Nino, labaw nga makakagahum lamang ang makapahupay niini.
Ang mahinongdanon nga ang pangulong Gloria Macapagal Arroyo kahatagan ug igong gahum nga masolusyonan ang kakulangon sa supply sa elektrisidad.
Hinuon, niini mga panahon nga nagkaduol na ang eleksiyon, kanunay gayud nga mapuno sa katahap ang bisan unsa nga lakang sa pangulo.
Apan alang sa mga magpapatigayon mas labing maayo nga masulbad na ang nahisgutan nga krisis nga dili na mo-agi sa susama niini nga mga proseso.
GENERAL SANTOS CITY-Gikumpirma ni Orly Sabelita, ang presidente sa Socksargen Transport Federation nga nagpadayon ang ilang hangyo alang sa usbaw sa pletihan sa mga pampublikong sakyanan susama sa jeep, multicab ug L300 van.
Matud ni Sabelita nga bag-uhay lamang niya naistorya ang labaw sa Land Transportation Franchising and Regulatory Board (LTFRB) nga si Alberto Suansing ug gituki ang ilang hangyo nga uno singkwenta pesos.
Apan gitino ni Sabelita nga natanggong sa pagtuki ang ilang petisyon tungod na usab sa saka panaog nga presyo sa krudo ug gasolina.
Giklaro usab ni Sabelita nga dili na sila mangayo og usbaw sa pletihan kong ang presyo sa krudo mokabat na lamang sa 35 pesos kada litro.
Sa pagkakaron nga miusbaw ang presyo sa krudo og ipursige usab nila ang hangyong usbaw sa pletihan.
Recent Comments