BUTUAN CITY – Pormal nang gibuksan kaganina dinhi sa Butuan ang kasa-ulugan sa National Crime Prevention Week nga matapos karong adlaw’ng Martes, Septembre 7 ubos sa temang “Komunidad at Pulisya magkasama tungo sa pag-unlad ng bayan.” Gibuksan ang maong kalihukan pinaagi sa usa ka motorkada nga gisalmutan sa nagkada-iyang ahensya sa gobyerno, uban sa lokal nga panggamhanan ning siyudad og mga hepe sa nagkada-iyang buhatan sa gobyerno.

DAVAO CITY ?€“ Gimando na ni Davao del Sur Governor Douglas ‘Dodo’ Cagas ang shoot-to-kill order batok sa mga hired killers nga naglihok sa Davao del Sur. Nasayran sa Bombo Radyo Davao nga ang nahisgutan nga mga hired killers gibayran aron nga patyon ang 17 ka mga public officials sa tibuok lalawigan sa Davao del Sur

BUTUAN CITY – Nakalingkawas sa kamatayon ang usa ka obispo sa Diocese of Butuan human kalit nga nibangga ang iyang gisakyang sakyanan sa usa ka starex van sa J.C Aquino Avenue, Brgy Libertad ning siyudad.

CAGAYAN DE ORO CITY – Nahiagum sa onse ka samad ang lawas sa usa ka barbero human pusila diha sa Brgy Tablon sa syudad kagahinang buntag.

CAGAYAN DE ORO CITY – Human gipusil ang barbero sa Brgy Tablon,gisundan usab kini sa laing dugo-ong vehicular accident diha sa Brgy Agusan sa syudad kaganihang kadlawon. Kini human nabanggaan patay ang usa ka lalaki samtang nagbaklay diha sa maong lugar.

CAGAYAN DE ORO CITY – Sa makaduhang higayon,gitulis sa tulo ka armadong kalalakin-an ang LBC outlet nga nahimutang diha sa Yacapin-Pabayo Sts ning syudad kagahapon. Yano nga nakuha sa mga suspek ang wala matino nga balor sa salapi sa mga cashier niini ug ang ilang personal belongings tungod kay walay security guard nga nagbantay

DAVAO CITY ?€“ Pinangita na sa Davao City Police Office (DCPO) ang unom ka mga tulisan nga gikatahapan nga mao ang mitulis sa Rural Transit Bus 8:30 kagabii. Nasayran sa Bombo Radyo Davao gikan kang Police Senior Superintendent Antonio Rivera nga misakay ang unom ka mga suspetsado sa dapit sa Marahan, Calinan.

GENERAL SANTOS CITY – Nadakpan ang usa sa mga suspetsado matud pa sa Maguindanao massacre sa Sarangani Province kaganinang alas 9:00 sa buntag. Ang joint operation gilusad sa Provincial Safety Management Batalion, Sarangani Provincial Police Office, Gensan City Police Office ug kasundaluhan

BUTUAN CITY – Pormal nang milingkod kaganina isip acting regional director sa Department of Labor and Employment kon DOLE-Caraga si Ofelia Dominggo nga gikan sa Davao City human sa turn-over ceremonies nga gipahigayon kondiin iyang gihulipan si Director Romeo Cagas.

BUTUAN CITY – Andam ipadakop ni Butuan city acting vice mayor Erwin Dano ang mga konsehal ning siyudad nga mapamatud-ang gisabotahe ang ilang sunod-sunod nga pag-absent sa nakalabay’ng duha ka regular session nga maka-apekto na sa ilang pagserbisyo sa katawhan. Dako ang kadismaya sa opisyal tungod kay wala’y nahitabong sesyon sa 12th Sangguniang Panlungsod niadtong Agusto 23 og 31 tungod sa kakulang sa ilang qourom human nga wala mi-abot sa walo ang ihap sa mga konsehal nga mitambong sa sesyon kansa maoy gi-require nga ihap aron matigayon ang regular session. Dili gustong sakyan sa opisyal ang mga katahap nga duna’y bahid-pulitika ang pag-absent sa mga konsehal nga sakop sa milabay’ng administrasyon tungod kay wala’y gibutang nga rason sa ilang attendance sheet gawas lamang sa ABC federation president nga on-maternity leave.