CENTRAL MINDANAO – Patay ang usa ka 17-anyos nga dagit-dagit drayber human kini gipusil sa probinsiya sa Cotabato.
Ang kapulisan nag-ila sa biktima nga si Noel Melyondaga samdan sab ang iyang uyuan nga si Alex Tablanza.Base sa taho gikan sa Cotabato Police Provincial Office, nasayran nga banda alas 8:15 sa gabii, Marso 1 samtang nagmaniho ang biktima sa iyang XRM nga motorsiklo sa Barangay Poblacion, Pigkawayan, uban ang iyang uyuan, kalit kining giharang sa duha ka wala mailhing suspek ug gipusil si Melyondaga gamit ang kalibre .45 nga pistola.
Patay on the spot ang biktima sa diha nga naigo sa iyang ulo ug samdan si Tablanza human natumba ang motor nga giilog dayon sa mga suspek ug gidala sa ilang pag-iskapo.
Dali-dali nga gilutos sa kapulisan ang mga suspek, apan kalit lamang kining nahanaw sa diha nga misulod sa hilit nga dapit sa barangay Simuay, Sultan Kudarat, Maguindanao province.
Gipamahayag ni Pigkawayan chief of police, S/Insp. Abello Jungaya, nga carnapping ang motibo sa mga suspek nga maoy mipusil patay sa biktima.
Gimando sab ni Cotabato Governor Jesus Sacdalan, sa kapulisan nga palig-unon pa ang ilang operasyon batok sa mga carnapping syndicate sa probinsiya, diin sagad sa mga gipangkawat sa mga suspek mao ang mga motorsiklo nga XRM.( Bombo Garry Fuerzas)
CENTRAL MINDANAO – Milihok na ang mga miyembro sa International Monitoring Team (IMT) nga gipangulohan sa mga deligado gikan sa Nasud Malaysia, uban ang Lebya, Japan og Brunie aron imbestigahan ang pinaka-ulahing panag-engkwentro sa militar ug lawless Moro Islamic Liberation Front (MILF) group sa probinsiya sa Maguindanao.
Kahinumduman nga banda alas 3:40 sa kadlawon, Marso 1, nagpatrolya ang mga ginsakpan sa 46th Infantry Battalion Philippine Army og 9th Scout Ranger Company, sa sitio Bagong, Barangay Tinimbangan, Mamasapano, sa diha nga ilang na-engkwentro ang gibana-banaan 30 ka lawless MILF hinungdan sa 45 minutos nga sinukliay ug mga bala tali sa duha ka grupo, gamit ang mga tag-as nga matang sa armas.
Sigun sa taho gikan sa Cotabato Police Provincial Office, nasayran nga banda alas 4:00 sa hapon, Pebrero 15, nag-abot ang grupo ni Kumander Daud sa Moro Islamic Liberation Front (MILF) ug Kumander Magalona Ampatuan, sa Moro National Liberation Front (MNLF) sa Barangay Salat, President Roxas, hinungdan sa katag-katag nga sinukliay ug mga bala tali sa duha ka grupo.
Gipamahayag ni Cotabato Police Provincial Director, S/Supt Norberto Batislaong, nga away sa yuta ang ugat sa kagubot,gani dunay napatay og naangol sa padayong engkwentro sa magka-away nga pamilya.
Gidugang ni Batislaong, nga puros armado sa mga tag-as nga matang sa armas, ang grupo ni Daud ug Ampatuan.
Nagpahigayon na ug negosasyon ang mga opisyal sa MNLF og MILF aron pakalmahon sila Daud ug Ampatuan.
Nagdugang na ug puwersa sa militar si 602nd Brigade Commander Col. Alijandro Estomo, nga maoy magpatuman sa hugtanon nga seguridad sa President Roxas ngadto sa mga sibilyan nga apektado sa kaguliyang.
Milihok na si Cotabato Gov. Jesus Sacdalan, aron resulbahon ang bingkil sa duha ka grupo ug matabangan ang mga sibilyan nga namakwet nga temporaryong nanimuyo sa mga luwas nga dapit ug tulunghaan sa naasoy nga dapit. (Bombo Garry Fuerzas)
CENTRAL MINDANAO – Hangtud karon wala pa mailhan ang patay nga lawas sa usa ka babae nga gitipi sa siyudad sa Cotabato.
Base
sa taho gikan sa Cotabato City Police Office, nga banda alas 6:00 sa
buntag, Pebrero 16, nasiplatan sa mga sibilyan ang wala nay kinabuhi
nga babae, nga gilabay kilid sa tulay sa Kakar River.
Dali-dali
nga nagresponde ang mga ginsakpan sa kapulisan, nga gipangulohan ni
City Police Director, S/Supt Willie Dangane ug gihiling ang patay nga
lawas sa babae ug walay nga mga nakuha nga kagamitan, susama sa pitaka
ug ID aron sa pag-ila niini.
Kini nagpangidaron 20 hangtud
25-anyos, puti-on ang pamanit, taas ug buhok, 5/4 ang hitas-on, nagsuot
ug itom nga t-shirt ug nakapantalon.
Nagtuo si Dangane nga ang
dalaga biktima sa pagpang-salvage ug gi-turtor pa kini bag-o gipatay,
dunay mga samad pinusilan ug dinunggaban sa nagkadaiyang parte sa iyang
lawas og gituok pa gamit ang charger sa cellphone.
Posibling dako gyud ang kasuko sa mga suspek gumikan sa brutal nga pagpatay sa dalaga.
Matud
ni Esmael Tampra, nga nagpuyo sa Kakar, nga dunay sakyanan silang
namatikdan nga mihunong sa ilang dapit alas 3:00 sa kadlawon ug
posibling gilabay lang ang patay nga lawas sa dalaga.
Ang patay
nga lawas sa biktima ang gidala sa Angel Funeral Homes samtang
nagpadayon ang imbestigasyon sa otoridad aron kini mailhan. (Bombo
Garry Fuerzas)
Base sa taho gikan sa Cotabato City Police Office, nga banda alas 6:00 sa buntag, Pebrero 16, nasiplatan sa mga sibilyan ang wala nay kinabuhi nga babae, nga gilabay kilid sa tulay sa Kakar River.
Dali-dali nga nagresponde ang mga ginsakpan sa kapulisan, nga gipangulohan ni City Police Director, S/Supt Willie Dangane ug gihiling ang patay nga lawas sa babae ug walay nga mga nakuha nga kagamitan, susama sa pitaka ug ID aron sa pag-ila niini.
Kini nagpangidaron 20 hangtud 25-anyos, puti-on ang pamanit, taas ug buhok, 5/4 ang hitas-on, nagsuot ug itom nga t-shirt ug nakapantalon.
Nagtuo si Dangane nga ang dalaga biktima sa pagpang-salvage ug gi-turtor pa kini bag-o gipatay, dunay mga samad pinusilan ug dinunggaban sa nagkadaiyang parte sa iyang lawas og gituok pa gamit ang charger sa cellphone.
Posibling dako gyud ang kasuko sa mga suspek gumikan sa brutal nga pagpatay sa dalaga.
Matud ni Esmael Tampra, nga nagpuyo sa Kakar, nga dunay sakyanan silang namatikdan nga mihunong sa ilang dapit alas 3:00 sa kadlawon ug posibling gilabay lang ang patay nga lawas sa dalaga.
Ang patay nga lawas sa biktima ang gidala sa Angel Funeral Homes samtang nagpadayon ang imbestigasyon sa otoridad aron kini mailhan. (Bombo Garry Fuerzas)
Ang kapulisan nag-ila sa biktima nga hingkabsan sa iyang kinabuhi nga mao si Joseph Datuwata, 44-anyos, minyo, negusiyante ug kandidato pagka-konsehal, naangol sab ang iyang mga anak nga sila Saira ug Kagi Esmael, mga molupyo sa LR Sebastian Street.
Sigun sa taho gikan sa Cotabato City Police Office, nasayran nga banda alas 7:15 sa buntag, Pebrero 8, pagawas ang biktima sa iyang pinuy-anan sakay sa usa ka Izuzu Frontier aron ihatud ang iyang mga anak sa tulunghaan, sa diha nga giharang kini sa duha ka wala mailhing suspek og gipaulanan ug mga bala gamit ang kalibre .45 nga pistola,bisan samdan si Datuwata, nakahimo pa kini sa paglutos ug nakigpinusilay sa mga mamumuno.
Wala na maka-agwanta ang negusiyante sa grabeng igo sa iyang dughan og likod nga parte sa lawas,hinungdan nga nabangga ang iyang gisakyan sa usa ka poste sa kuryente.
Dali nga gisapupo ang mga biktima sa mga nagrespondeng pulis ug gidala sa Cotabato Regional and Medical Center, apan gidiklara si Datuwata sa mga attending physician nga dead on arrival samtang anaa sa talandugong kahimtang ang iyang mga anak nga naigo sa mga saag nga bala.
Gipamahayag ni Cotabato City police director S/Supt Willie Dangane,nga duha ka anggulo ang ilang gisundan sa maong hitabo, una, silos sa negosyo ug may kalabutan sa politika samtang nagpadayon ang ilang paglutos sa mga mamumuno.
Mismong si Cotabato City Mayor Muslimin Sema na ang nagmando sa kapulisan, alang sa hugtanon nga imbestigasyon sa pagpamusil sa mga biktima, aron ika-istablisar ang tinuod nga motibo sa pagpatay kang Datuwata, ilang mailhan ug madakpan ang mga suspetsado. (Bombo Garry Fuerzas)
Ang kapulisan nag-ila sa biktima nga mao si Alberto Kiro, 47-anyos, minyo og molupyo sa Barangay Kapayawi, Libungan.
Base sa taho gikan sa Cotabato Police Provincial Office, nasayran nga banda alas 6:20 sa gabii, Pebrero 7, samtang naglakaw ang biktima gikan sa iyang uma pauli sa iyang bay, sa diha nga gisugat kini sa usa ka wala mailhing suspek ug gipusil gamit ang kalibre .45 nga pistola.
Bisan samaran si Kiro, nakahimo pa kini sa pagdagang ug nangayog pakitabang sa iyang mga silingan samtang ang mamumuno ang dali nga misibat paingon sa wala matino nga direksyon.
Dali nga gidala ang biktima sa iyang pamilya sa Cotabato Regional and Medical Center, apan pipila ka oras ang milabay, ang hingkabsan kini sa iyang kinabuhi gumikan sa grabeng samad pinusilan sa iyang dughan og likod nga parte sa lawas, apan naka-estorya pa kini nga ang iyang pag-umangkon nga si Edwin Cabulo, ang mipusil sa iyaha.
Matud ni Edna,nga sa wala pa gipatay ang iyang paryente,nagkalalis kini sa suspek gumikan sa bingkil sa yuta nga ilang gi-ugmad, nga kabilin sa ilang mga katigulangan nga posibling ugat sa hitabo.
Gitahasan na ni Libungan Mayor Manuel Dela Cerna, ang kapulisan sa pagsikop sa suspek nga nagtago-tago na karon,pagkahuman nga iyang gipatay ang iyang uyuan. (Bombo Garry Fuerzas)
CENTRAL MINDANAO – Patay ang usa ka sakop sa Civilian Volunteer Organization (CVO) sa pamilyang Ampatuan og ubay-ubay ang naangol atol sa panag-engkwentro sa puwersa sa kasundaluhan sa probinsiya sa Maguindanao.
Base sa taho gikan sa Tactical Command Post sa 6th Infantry (Kampilan) Division Philippine Army, nga banda alas 9:20 sa gabii, Pebrero 4, samtang nagpatrolya ang mga ginsakpan sa 46th Infantry Battalion, sa Barangay Talibunga, Datu Hooper Ampatuan, ilang nasugatan ug na-engkwentro ang gibana-banaan 20 ka mga CVO nga gipangulohan ni Kumander Kanor Ampatuan, resulta sa halos 20 minutos nga sinukliay ug mga bala tali sa duha ka grupo, gamit ang mga tag-as nga matang sa armas.
Miatras ang mga suspek nga gilambigit sa milabay nga mangilngig nga masaker nga mikutlo sa 62 ka kinabuhi, apil na ang 32 ka mga local media sa Central Mindanao, sa diha nga nahiabot ang dugang puwersa sa militar.
Nakuha sa napatay nga si CVO ang usa ka M16 armalite rifle ug mga buhing bala, nagtuo sab si 6th ID G7 chief Col. Benjamin Hao, nga daghanan ang naangol sa mga kauban ni Kanor Ampatuan, gumikan sa nagpasag nga dugo sa gi-puwestuhan sa mga rebelde.
Gi-angkon ni Hao, nga naglisud sila sa paglutos sa mga private armed Groups sa mga Ampatuan, gumikan uban nila anaa nagtago sa ilang mga paryente nga miyembro sa lawless Moro Islamic Liberation Front (MILF) group, nga gi-protektahan sulod sa ilang kampo.
Gihagit sa militar ang mga rebelde, nga kong sensero kini sa panghinabing pangkalinaw sa Mindanao, muabag sila sa gobyerno aron dakpon ang mga suspek ug i-surender ngadto sa otoridad.
Mas gipalig-on pa karon sa militar og kapulisan ang paglutos sa mga special CAFGU ug CVO nga gitudlo nga dunay kalabutan sa masaker sa sitio Masalay, Barangay Salman, Ampatuan, nga hangtud karon gisingit pa sa pamilya sa mga biktima, ang tinuod nga hustisya. (Bombo Garry Fuerzas)
Ang kapulisan nag-ila sa mga biktima nga sila Julieta Catalan, 50-anyos, bulag sa bana og iyang anak nga si Gyeen,12, mga molupyo sa barangay Dinaig Proper, Datu Odin Sinsuat.
Sigun sa taho gikan sa Maguindanao Police Provincial Office, nasayran nga banda alas 9:40 sa gabii, Pebrero 4, samtang nanan-aw ug pasundayag sa telebisyon ang mga biktima, gisulod ang ilang pinuy-anan sa tulo ka wala mailhing suspek og gitabangan kini ug tigbas gamit ang mahait nga sundang, wala pa matagbaw ang mga mamumuno, gilaslas pa ang liog sa mag-inahan nga daw giihaw nga baboy.
Sa diha nga wala nay kinabuhi ang mga biktima, dali-dali nga misibat ang mga suspek paingon ngadto sa wala matino nga direksyon, buntag na nga nadiskubre ang patay nga lawas sa mga nahisgutan, sa diha nga mibisita ang ilang silingang ug nakit-an ang ilang patay nga lawas.
Dali-dali nga nag-imbestiga ang kapulisan og positibo nga gitudlo sa mga testigo, si Jun Alano,nga nagtrabaho sa pamilyang Catalan,nga maoy mipatay sa mga biktima, hinungdan nga dali kining gisikop apan naka-iskapo ang iyang duha ka mga kaubanan nga padayong gipangita sa otoridad.
Gipamahayag ni Datu Odin Sinsuat chief of police S/Insp. Ronald Patricio,nga tulo ka anngulo ang ilang gisundan sa pag-imbestiga sa pagpatay sa mga biktima, una, personal nga kasuko, pagpanulis og away sa pamilya, hinuon ang kapulisan ang padayong nagsusi sa tinuod nga motibo sa pagpatay sa mag-inahan. (Bombo Garry Fuerzas)
Gawas sa overvote, likayan sab ang mga erasures, distinguishing marks, ug ang paggamit ug laing ballpen ug lapis gawas sa ihatag kanila sa Board of Election Inspectors (BEIs) diha sa clustered precinct.
Kini tungod kay dili dawaton sa PCOS ang mga balota nga dunay problema sa computer security code sama sa mga erasures ug mga katahapang marka. Dili usab dawaton sa computer kadtong mga balota nga gigamitan ug laing klase nga igsusulat gawas lamang gikan sa Comelec nga ihatag sa mga botante diha sa presinto panahon sa botohay.
Gi-awhag sab ang mga botante, nga kinahanglan magdala sila ug kopya sa gipili nilang mga kandidato aron malikayan ang kasaypanan panahon sa ilang pagboto, kay dili na sila hatagan ug laing balota gawas sa gihatag na kanila bisan pa kon adunay sayop sa ilang pagboto.
Apan bahin sa kalapasang over-vote, giklaro karon ni Tobelunia nga kadto lamang position nga dunay sobra sa gihimong pagboto ang ideklarang invalid sa computer, ug walay labot ang ubang portion nga walay nahitabong pagboto ug sobra kay kini ihapon gihapon sa PCOS.
Giklaro ni Tobelunia, nga nagkinahanglan pa sila ug hataas nga panahon aron ipasabot sa katawhan, ang taliabot nga automated election. (Bombo Garry Fuerzas)
Recent Comments