CAGAYAN DE ORO CITY- Patay ang usa ka batan-ong lalaki human kini ang naghikog sulod saiyang panimalay sa Zone 5, barangay Bugo dinhi sa syudad sa Cagayan de Oro.

Naila ang biktima nga si Wilson Cobillo, 17 anyos, ulitawo, tinun-an sa Bugo Nationalhigh School ug lumolopyo sa Zone 5, barangay Bugo ning dakbayan.

Subay sa imbestigasyon sa Puerto Police Station, nga nadiskobrehan na lang ang nasangpit nga biktima nga nagbitay ug adunay hikot nga pesi saiyang liog sulod saiyang kwarto nga maoy gitohoang hinungdan saiyang kamatayon.

Gidala pa ang biktima sa pinaka-dool nga balay tambalanan apan gideklara kining dead on arrival.

Nasayran, nga gibyaan diay saiyang hinigugma ang biktima ug mi-uban sa laing binuhat hinungdan sa pagpakamatay sa biktima.

DIPOLOG CITY – Duruha ka magka-amigong bata ang namatay human kini naligo sa dagat ug nalumos dinhi sa syudad sa Dipolog.

Guiila ang duruha ka mga batang biktima nga sila si Jake Alfred Valle, 7 anyos ug Ritchie Tercio, 8 anyos parehong nagpuyo ning syudad.

Base sa gihimong imbistigasyon sa mga pulis, sa wa pa nahitabo ang insedente nagka-oyun ang duruha ka mga biktima nga maligo sa dagat ug sa hilom milakaw sa way pag pananghid sa mga ginikanan niini.

Daku nalang ka hibong sa mga ginikanan nga na wa na ang ilang mga anak ug nahibaw-an na lang nga patay na kini human makita ang mga patayng lawas sa kasikbit nga barangay ug nalumos na kini