BACOLOD CITY – Biktima sang pagpang-abuso sexual ang amazona nga napatay sa engkuwentro sa Cadiz City, Negros Occidental sadtong Domingo rason nga ini ang nagsulod sa hublag sang rebeldeng New People’s Army.
Ini ang ginpahayag sang iloy mismo sang napatay nga si Rotchel Hilado, 19-anyos sang Hunob-Hunob, Escalante City, Negros Occidental matapos na identify ang bata.
Suno sa iloy nga si Ninfa Hilado, naglisensiya gid lamang si Rotchel sadtong nagligad nga tuig nga magapangita sang trabaho sa ciudad sang Bacolod matapos naka-gradwar sa high school apang wala na makapauli.
Ulihi lang sini nahibaluan gikan sa mga kaabyanan sang anak nga ini ang ginhimuslan sang iya kaugalingon nga amay rason nga nagbiya sa ila balay.
Iya ginpadulungan ang bangkay sa Cadiz City matapos nakabaton sang impormasyon nga may kaanggid kay Rotchel ang bangkay sang amazona nga napatay sa encounter.
Sang gintan-aw ang bangkay, positibo sini nga ginkilala ang anak.
BACOLOD CITY – Dugang nga mga suldado kag K9 units ang nagabulig sa 62nd Infantry Battalion sa paglagas sa mga rebeldeng New People’s Army nga ila naka-engkuwentro sadtong Domingo sa Sitio Aluyan, Brgy. Caduhaan, Cadiz City.
Ang engkuwentro sa tunga sang mga suldado sang 62nd IB kag kapin 30 ka mga rebelde nga ginapatihan miembro sang Larangan Northern Negros (KLNN) ang nagresulta sa kamatayon sang isa ka opisyal sang army kag anom ka mga rebelde.
Suno kay Col. Maximo Caro, 303rd Infantry Brigade commander, ang grupo sang mga rebelde ang ginapamunuan ni Ramon Amaca, bana ni Charity Amaca nga amo ang deputy secretary sang KLNN nga responsable sa mga kalakasan sa Northern Negros.
Samtang, padayon man nga gina-verify sang mga suldado ang report sang mga civilian nga ila nakita nga duha pa ka mga rebelde ang patay sa amo nga engkuwentro nga gindala palagyo sang ila mga kaupdanan.
Sa karon, duha pa lang sa anom ka mga rebelde nga nagkalamatay ang ila nakilala nga ginalakipan nanday Rotchel Hilado, 19 anyos sang Hunob-Hunob, Escalante City kag Jovanie Romano, 37 anyos sang San Pablo, Manapla .
Si Hilado ang ginkilala sang iya iloy nga si Ninfa samtang si Romano ang ginkilala naman sang ila Brgy. Kapitan nga si Benjie Cabayao.
Samtang ang opisyal sang militar nga si 1Lt. Archie Polenzo ang yara sa isa ka puneraria sa Bacolod City kag nakatalana naman nga ipadala sa ila lugar sa Pagadian City.
KORONADAL CITY – Ginakabalak-an nga liwat naman nga magapangataki ang mga peste sa South Cotabato kadungan sa nagalala nga tig-ilinit ukon El Niño phenomenon.
Suno kay South Cotabato Agriculture Officer Rey Legaste nga posible magpanalasa liwat ang mga peste nga nagapangguba sa mga pananom kasubong sang mga apan (grasshoppers), blag bugs kag army worms matapos nga napaiway ang pagpatigayon sang cloud seeding operation bangud sa kawad-an sang mga seedable clouds.
Sa subong, yara na sa masobra P54-milyones pesos na ang damyos nga gintuga sang El Niño sa probinsiya.
Kaangot sini, ginarekomendar na sang provincial agriculture nga ipaidalom sa state of calamity ang banwa sang T’boli nga tuman nga gin-igo sang tig-ilinit.
Gindugang pa sang nasambit nga opisyal nga lauman na ang pag-guluwa sang mga peste nga ilaga, grasshoppers, black bug kag army worms sa tion nga wala sa gihapon sang ulan sa probinsiya tubtub sa bulan sang Abril kag Mayo.
ILOILO CITY – Apektado na sang tuman nga tag-ilinit ang mga supplier sang water refilling stations sa syudad sang Iloilo.
Sa interview sang Bombo Radyo Iloilo sa isa ka supplier sang water refilling stations gikan sa banwa sang Pavia, Iloilo nga si Hernanie Comento, nagnubo sang 90 porsyento ang ila supply sang tubig kun sa diin halin sa 200 cubic meters ini ang nagnubo sa 80 cubic meters kada adlaw.
Bangud sini 2-3 ka delivery na lang sang tubig ang napatigayon kada adlaw gikan sa 5 ka delivery sang nakaligad nga mga binulan.
Nahibaluan nga sa banwa sang Pavia, may lima ka supplier sang tubig sa mga refilling stations.
Nagakahangawa naman ang mga supplier sang tubig sa Iloilo nga mahimu maubusan na sila sang tubig kung maglawig ang tig-ilinit tubtub Hunyo.
Ginalauman naman nga magataas ang presyu sang mga bottled water kun magpadayun ang tuman nga tig-ilinit.
ILOILO CITY – Indi pa makahatag sang pat-od nga impormasyon si Police C/Insp. Orly Gabinete, hepe sang Jaro PNP, Jaro, Iloilo City, may kaangtanan sa mga suspek sa pagpalupok sang granada sa bakeshop nga ginapanag-iyahan sang alkalde sang Iloilo City nga si Mayor Jerry Treñas.
Sa interview sang Bombo Radyo Iloilo kay Gabinete, ginpahayag sini nga nagapadayun pa subong ang imbestigasyon rason nga indi pa mapat-od ang nauna nga pahayag ni Treñasn nga may kahilabtanan sa politika ang motibo sa insidente.
Gintukod naman ang isa ka case tracker team agud matutukan ang imbestigasyon sa hitabu nga ginalakipan sang miembro sang intelligence section sang J
iLOILO CITY – Naglab-ot na sa kabilugan nga 124 ang mga nadakpan sa paglapas sang gun ban sa Rehiyon 6.
Sa ginpagwa nga data sang Police Regional Office 6 (PRO6), 110 sa 124 ka mga nadakpan ang napasakaan na sang kaso kun sa diin 101 ang sibilyan, 4 ang miembro sang Armed Forces of the Philippines, 7 ang mga government officials kag 12 naman ang naghalin sa iban nga grupo kaangay sang mga rebelde.
Nagapanguna naman ang Negros Occidental sa may pinakamadamu nga nadakpan nga naglab-ot sa 43.
Isa ka gatos naman ka mga armas-luthang ang nakumpiska, 31 ang bladed weapons kag 5 ka granada.
ILOILO CITY – Nakilala na sang gintukod nga task force nga naga-imbestigar sa pagpatay kay mayoralty candidate Luis Mondia sang Pulupandan, Negros Occidental ang ngalan sang anum ka mga suspek sa krimen.
Ginkilala ang anum ka mga suspek nga sanday Bernard Pacifico, Primitivo Pacifico, Joebert Gumban, Eusebio Poblacion, Gerry Solido, Romy Inoho kag isa ka alyas Otong Law-law kun sa diin apat sa mga ini ang napasakaan na sang kaso nga murder.
Sa interview sang Bombo Radyo Iloilo kay Police C/Supt. Isagani Cuevas, director sang Police Regional Office (PRO6), ginpahayag sini nga nakilala ang mga suspek paagi sa mga testigo nga nakakita sa mga ini sang matabu ang pagpatay sa anay alkalde sa gwa sang Jaro Cathedral, Jaro, Iloilo City.
Ginpahayag ni Cuevas nga lunsay miembro sang robbery hold-up group ang nakilala nga mga suspek sa pagpatay sa anay alkalde sa gwa sang Jaro Cathedral, Jaro, Iloilo City.
Sa subong indi pa mapat-od kun sin-o sa nakilala na nga mga suspek ang nagluthang gid sa biktima.
ILOILO CITY – Mahimu magsaka ang numero sang drug groups sa Western Visayas sunu kay Philippine Drug Enforcement Agency (PDEA) Region 6 Director Paul Ledesma.
Sa interview sang Bombo Radyo Iloilo, ginpahayag ni Ledesma nga gikan sa lima ka grupo sang sindikato sang iligal nga druga sa rehiyon, mahimu magsaka ini sa walo base man sa pinakaulihi nga impormasyon nga ila nabaton gikan sa ila national office.
Sa interview sang Bombo Radyo Iloilo kay Ledesma, may panibag-o nga grupo sang drug lords nga namonitor ang ila ahensya sa probinsya sang Aklan ilabi na sa isla sang Boracay, probinsya sang Capiz, kag Antique.
Una diri, gintumod sang PDEA ang presensya sang lima ka drug groups sa Rehiyon 6 kun sa diin duha diri ang yara sa Iloilo City, isa sa Bacolod City, isa sa
Sa impormasyon na ipinarating sa Bombo Radyo Koronadal ni Maj. Randolf Cabangbang, spokesman ng Eastern Mindanao Command (Eastmincom) maaari na aniyang ilipat si dating Maguindanao Governor Datu Unsay Andal Ampatuan Sr. habang nasa Camp Panacan Hospital sa Davao City.
Ito’y dahil mabuti na umano ang kalagayan ni Andal Sr. at manageable na rin aniya ang naramdaman nitong high blood at diabetes.
Ayon kay Cabangbang, commitment order na lamang ang kanilang inaantay para kay Andal Sr. at ilan pang pangunahing sangkot sa malagim na krimen.
Napag-alaman na nakahanda na para sa susunod na linggo ang lugar na siyang paglilipatan ng mga taong sangkot sa rebellion case kabilang na si ARMM Gov. Zaldy Ampatuan at maraming iba pa.
Nauna ng naiulat na nakahanda na para sa susunod na linggo ang lugar na paglilipatan ng may 400 katao na sangkot sa kasong rebelyon sa Maguindanao.
Ayon kay Bureau of Jail Management and Penology-National Capital Region deputy director Sr. Supt. Abraham Abella, ang binubuong pasilidad ay mayroon umanong apat na malalaking selda, walong palikuran at apat na banyo.
Mayroon din umano itong mga bunk beds at ceiling fans at mas mahigpit na seguridad.
Dagdag pa ng opisyal, kasya umano ang 100 katao sa bawat selda na sadyang ginawa talaga para sa mga detainees kabilang sina Ampatuan, Sr. at anak na si Gov. Zaldy.
Tiniyak din ni Abella na walang special treatment silang ibibigay sa mga high profile na bilanggo, kung saan mahigpit umano nilang ipagbabawal ang cell phone at mayroon din umanong nakakabit na mga CCTV cameras para mamonitor ang kilos ng mga akusado.
Maliban sa mga selda, mayroon ding itinayong gusali ang BJMP sa loob ng Camp Bagong Diwa sa Taguig City, para pagdarausan ng hearing ng kaso.
Ang nabanggit na makeshift court room ay mayroon umanong lawak na 150-square meter sa loob ng kampo.
Tinatayang nasa P1 million naman ang gastos ng pamahalaan para sa nabanggit na proyekto.
Sa kasalukuyan ay nakabinbin pa sa sala ni Judge Vivencio Baclig ng Quezon City Regional Trial Court Branch 77 ang kahilingan ng gobyerno na mailipat na kulungan ang mga akusado.
ILOILO CITY – Isa sa mga ginabasol sang simbahan ang justice system sang pungsod sa mataas nga numero sang krimen ilabi na ang pagpanghimulos kag iban pa nga sexual abuse.
Sa interview sang Bombo Radyo Iloilo kay Msgr. Meliton Oso, director sang Jaro Archbishop Social Action Center (JASAC), ginpahayag sini nga sa subong daw kaangay lang nga wala na nahadluk ang mga kriminal sa penalidad nga nagahulat sa ila sa tion nga mapamatud-an nga nakasala.
Ini bangud indi perpekto ang justice system kun sa diin madamu sa mga nakasala ang wala man masilutan.
Apang wala naman nagapati ang simbahan nga ang paghatag sang death sentence ukon silot nga kamatayon ang epektibo sa pagtapna sa kriminalidad.
Recent Comments