ROXAS CITY – Nagpalapit sa istasyon sang Roxas City PNP ang isa ka dalaga agud ireklamo ang pagbastos nga ginmhimu sa iya sang 50 anyos nga driver sang tricycle nga ginsakyan sini.

Base sa impormasyn nga nakuha sang Bombo Radyo Roxas, mga las 6:00 ang takna kaina sang aga samtang nagasakay sa trciycle nga may city number nga 1700 ang dalaga nga ginkilala lamang sakay alyas nene, ginpapundo sa kilid sang dalan sa bahin sang Hemingway St., Roxas City sang driver ang ginamaneho sini nga tricycle.

Kasunod dire, nagpanaug sa tricycle ang amo nga driver kag nagpalapit sa puno sang kahoy.

Pagdumdom sang dalaga, ini ang pagapangihi, apang amo na lamang ang kakibot sini sang sya ang gintawag sang nasambit nga driver kag ipakita sa iya ang kinatawo sini samtang naga-masturbate.

Sa pagka-ibot kag bangud man indi sini mabilin ang ginbakal nga liquefied petroleum gas (LPG) wala nakadalagan ang amo nga babaye.

Makaligad ang pila ka minutos, kasubong nga wala sang may natabu nga nagbalik sa iya tricycle ang ginrekelamo nga driver kag gindul-ong sini ang iya pasahero sa du-og nga bu-ot sini padulungan.

Sa madasig nga operasyon sang mga pulis, gilayun nga nadakpan ang tigulang nga suspetsado kag ginsulod sa karsel.

Samtang yara sa sulod sang karsel, nagta-as ang blood pressure sini kag nagpakitlo-oy sa biktima nga ini ang pasayluhon.

Naka-angkon sang settlement sa tunga sang mga ini kag nakadesisyun ang biktima nga indi na lamang magpasaka sang panumbungon.

ROXAS CITY – Nagakulob kag wala na sang kabuhi sang makit-an ang isa ka security guard mga las 6:30 ang takna sini nga aga sa isa ka pribado nga klinika sa Washington Street, sining ciudad kun sa diin naga-duty.

Ginkilala ang biktima sakay Juan Villagracia, ginabulubanta nga naga-edad sang 55-60 anyos kag residente sang Brgy. Cudian, Ivisan, Capiz.

Sa impormasyon nga nakuha sang Bombo Radyo Roxas, ginasiling nga psible gin-atake sa tagipusu-on ang biktima kag nahulog sa bangko kun sa diin ini nagahigda kag dire dalayun nga ginbawi-an sang iya hulam nga kabuhi.

Ginsiling nga, naka T-shirt kag brief lamang si Villagracia sang ito ini ang makit-an kag nakatakop sa iya dughan ang duha sini ka mga kamot.

Sa karon, ma-id id nga gina-imbistigahan sang mga pulis ang hitabu kag ginahibalo kun may floul play ang ang kamatayun sang biktima.

ROXAS CITY – Nag-abot sa syudad sang Roxas ang mga katapo sang Commission on Filipinos Overseas.

Tuyo sang grupo nga ipahibalo sa publiko ang ginapatigayon nga community education campaign sang ila ahensiya batuk sa human trafficking, illegal recruitment, domestic violence kag inter marriage .

Ginpahanumdum ni Atty Golda Myrna Roma Chief Emigrant Services officer ang mga pilipino nga nagahandum magtrabaho sa iban nga nasyon nga maghalong sa illegal recruiters, bangud madamo na nga mga pinoy ang na-biktima sini sa kagustuhan nga makatrabaho sa iban nga nasyon para mabutong sa kapigaduhon ang ila pamilya.

Suno kay Atty Roma nga wala sang malain sa pagtrabaho sa iban ng nasyon, apang siguraduhon nga indi matuntuhan kag matiplang sang mga illegal recruiters sa pungsod .

Subongman ginpanugyanan sini ang mga pinay nga na-enganyo sang ila ka-chatmates nga ginpromesahan nga pakasalan nga indi gid maglaum sang tuman bangud madamo na sang mga kaso nga narecord nga pag-abot sa lugar sang ila mapangasawa ginaabuso lamang ang mga ini kag kun kaisa ginabaligya pa.

Samtang sa isyu naman sang human trafficking, ginsiling ni Atty Roma nga madamo na sila sang narecord nga kasubong sini nga mga kaso, sa diin kadam-an sa nangin biktima ang mga babae kag mga bata.

ROXAS CITY – Ginabulubanta nga mas o menus sa 30 mil pesos ang kahailtan nga natuga sang sunog nga nag-ubos sa isa ka resthouse alas syete karon nga gab-i sa Brgy Pawa Panay Capiz .

Base sa report nga abo na lamang sang balay ni Soling Roxas ang naabtan sang mga taga Roxas City Bureau of Fire Protection nga nagresponde sa nagluntad nga sunog sa amo nga lugar .

Nahibaluan nga human sa light materials ang amo nga resthouse nga wala na gina-istaran bangud ang tag-iya sini ang permanente na nga nagapuyo sa Bicol.

Samtang ginapatihan nga may nag-agi nga tawo nga naghaboy sang sigarilyo kag diri na nagsugod ang sunog tobtob maubos ang bilog nga balay.

ROXAS CITY – Nagpgwa sang Temporary Restraining Order (TRO) ang Makati RTC batuk sa loan sang Provincial Government sang Capiz sa Philippine Veterans Bank nga nagalab-ot sa P183-M.

Ba-se sa impormasyon nga nakuha sang Bombo Radyo Roxas, ang mga petitioner sang nasambit nga loan amo ang pila ka mga Capizeño nga nakaba-se na karon sa Metro Manila.

Ini ang ginalakipan nanday Atty. Florencio Martinez, nga nagatudlo sa isa ka kolehiyo sa Metro Manila kag nagaserbe man bilang Dean sang Aklan College, Atty. Seferino Alba Pateño Jr., isa ka negosyante kag anay assemblyman nga si Charles Escolin nga nagatudlo naman sa Arellano University, San Sebastian College at Angeles University.

Suno sa mga ini, tinutuyo nila nga mapangapinan ang interes sang mga Capiño rason nga nag-file ang mga ini sang nasambit nga petisyon.

Ginpahayag nga ginpa-gwa sang Makati RTC kahapon sang hapon ang nasambit nga TRO kun sa diin nakabaton na sang kopya ang sini ang central office ng Phil. Veterans Bank.

Nahibalu-an nga ang nasambit nga TRO ang natuhay sa petisyon nga ginpasaka man ni Capiz Board Member Gilbert Ardivilla sa Roxas City Hall of Justice sa pagpamatok man sa nasambit nga loan sang Provincial Government

Samtang, ginahulat pa sang provincial government ang ilakopya bangud holiday kahapon sa isla ng Panay sa pagdumdom sa Ika-24 anyos nga Death Anniversary sa ginpataya nga si anay Antique Gov. Evilio Javier.

ROXAS CITY – Yara na maayo nga kahimtangan ang duha ka mag-abyan nga lunsay mga menor de edad, matapos wala magpauli sa ila mga puluy-an sadtong Pebrero 9 sa isa ka barangay sa banwa sang Maayon Capiz.

Suno sa 15 anyos nga dalagita nga naglain ang ila buot, gani nadumduman nila nga temporaryo anay nga indi magpauli sa iya balay kaupod si alyas Inday 16 anyos.

Sa impormasyon nga nakuha sang Bombo Radyo naglain ang buot ni alyas nene, bangud wala gin-aksyunan sang iya pamilya ang natabo nga paghimulos sa iya magulang sang pakaisa nga bulag sa asawa, sa diin nakaangkon ini sang anak subongman ang tuyo nga paghimulos sa iya sa sulod mismos sang ila balay.

Nahibaluan nga ginhagad si Nene sang abyan nga si alyas inday nga ginsugo sang iya mga ginikanan nga magbakal sang mineral water sa banwa kag nag-upod naman ini.

Bangud wala sang masakyan pabalik sa ila ang duha, nagdesisyon sila nga i-text ang ila textmate nga driver sang isa ka L-300 van nga nag-abot naman kag nagpadul-ong sila sa Roxas City.

Samtang gilayon naman nga ginpahibalo sa istasyon sang pulisya sang pamilya sang duha ka menor de edad ang natuhoy sa wala pagpauli sang mga ini humalin sadtong Pebrero 9, tobtob makakuha sila sang impormasyon nga may textmate nga driver ang ila mga anak.

Gilayon nga ginkontak ang driver nga hugot nga ginpanginwala ang akusasyon kag nagpromesa nga makigkita sa ila agud matinluan ang iya pangalan.

Matapos magkita sa terminal sang l-300 van gindala sang driver ang himata sang duha ka dalagita sa lugar nga ginpanaugan sang mga ini sa syudad sang Roxas, tobtob mahibaluan nila nga may 2 ka menor de edad nga yara sa police station, sa diin sang ila ini kadtuan nakumpirma nila nga ini na ang duha nila ka mga himata nga wala makapauli sang pila ka adlaw .

Sa nasambit nga man nga police station, gin-istorya ni alyas nene ang rason sang wala sini pagpauli sa ila balay.

ROXAS CITY – Padayon ang imbestigasyon sang Roxas City PNP agud mahibaluan kun sin-o ang responsable sa pagsulod kag pagpangawat sa balay ni City Prosecutor Salvador Dellota sang Brgy Cagay sining syudad kaina sang aga .

Base sa report nga nakuha sang Bombo Radyo nakibot na lamang si fiscal Dellota sang maabtan ang nagalapta nga mga kagamitan sa tatlo ka mga hulot sang iya puluy-an .

Nahibaluan nga ginkawat ang dos mil dolyares sini , cash nga nagalab-ot sa 115 mil pesos , alahas nga ginabulubanta nagalab-ot sa 100 mil pesos , nagkalain lain nga relo nga nagabalor sang 50 mil pesos kag duha ka mga armas .

Ginpahayag nga nag-agi sa backdoor sang amo nga balay ang wala pa makilala nga mga suspects nga ginbaklas ang jalousy sang bintana antes nakasulod sa balay ni Fiscal Dellota.

ROXAS CITY – Temporaryo nga magapabilin sa pwesto bilang Provincial Director sang Capiz Police Provincial Office si Sr. Supt Josephus Angan, matapos nagpaguwa sang mandu si Executive Judge Edward Contreras presiding judge sang RTC branch 17, may kaangtanan sa petition nga ginpasaka ni Capiz Governor Victor Tanco Sr batuk kanday DILG Secretary Ronaldo Puno, PNP Chief General Jesus Versoza kag Regional Director sang PRO-6 nga si Chief Supt Isagani Cuevas kag Sr Supt primo Golingay incoming Provincial director sang Capiz Police Provincial Office.

Ini matapos nagpaguwa sang writ of preliminary prohibitory injunction ang nasambit nga huwes para sa nasambit nga petisyon.

Base sa ginpakita nga mga ebedensiya kag argumento sang magtimbang nga bahin dapat masolusyunan ang isyu kun kinahanglanon mag-install sang acting PNP provincial director sa probinsiya sang Capiz nga wala ginasunod ang RA 6975.

Sa kabilang dako, nagpalabas sang writ of preliminary prohibitory injuction notice si Atty. Blas Nolasco Jr provincial sheriff kag clerk of court VI sa mga respondent sa amo nga petition.

ROXAS CITY – Ginpasaka-an sang kaso nga human trafficking kag paglapas sa anti-child abuse law ang tag-iya sang isa ka KTV bar sa ciudad sang Roxas.

Ini matapos nga ma-rescue sang mga operatiba sang National Bureau of Investigation (NBI) ang tatlo ka mga menor de edad nga nagtatrabaho bilang guest relations officer (GRO) sa nasambit nga bar.

Ang ginkasuhan nga tag-iya sang KTV bar amo si Mrs.Jenny Arinque.

Sa pagpakig-angut sang Bombo Radyo Roxas sa NBI Agent nga si Jun Katipunan, nahibalu-an gikan dire nga napatigayun nila ang operasyon sang damlag lang matapos nga isa ka iloy nga nagpangayo sa ila sang bulig agud ma-rescue ang menor de edad sini nga anak gikan sa Carousel KTV Bar sa Roxas Avenue, sini nga ciudad.

Bangud sini, gintiktikan nila ang nasambit nga KTV bar kag ginpatigayun ang isa ka operasyon kun sa diin madinalag-on nila nga na-rescue ang tatlo ka mga menor de edad nga nagatrabaho bilang GRO.

ROXAS CITY – Indi pa sa karon matumod sang mga kapulisan kun ano ang motibo sa pagkaluthang sa 35 anyos nga lalaki sa bahin sang Brgy Camansi Batan Aklan.

Nahibaluan nga nag-angkon sang 3 ka pilas sa nawala kag natuo nga paa kag tiyan si Arturo Arroyo sang St. Francis Subdivision Brgy Tanque Ilawod sining syudad.

Ginapatihan nga 12 gauge shotgun ang gingamit nga armas sa pagluthang sa biktima nga karon ginabulong Capiz Emmanuel Hospital.