Sa kabila nito, tiniyak ng kalihim na gumagawa na ng mga hakbangin ang pamahalaan upang masulosyunan ang naturang malaking problema.

Sa ginanap na cabinet meeting sa Malacañang, iprinisenta ni Energy Secretary Angelo Reyes ang ilang mga hakbangin na maaaring gawin ng gobyerno sa pinakamadaling panahon.

Inaasahan kasi na titindi pa lalo ang epekto sa rehiyon na nagpadagdag pa ang pananalasa ng El Niño phenomenon.

Nagdulot ito ng kakulangan ng suplay ng koryente na umaabot sa 700 megawatt na naging dahilan upang umabot na sa critical level ang mga hydroelectric power plants.

“A power deficiency of 700 megawatt is devastating to the economy,” ani Dureza.

Dahil dito nakatakdang makipagpulong ang isang cabinet level group sa pangunguna ni Executive Secretary Mendoza sa Mindanao Business Council at Mindanao Electric Power Alliance, isang koalisyon ng mga power providers at cooperatives upang makahanap ng mga short term solutions.

Ayon kay Dureza kabilang umano sa mga options ay ang agarang paglilipat ng mga power barges patungong Mindanao, pagpapagamit ng mga standby generators na pag-aari ng malalaking hotels at malls, at pag-schedule ng trabaho ng malalaking power consumers sa ibang oras patungo sa gabi.

“Mindanao is facing a calamity situation due to an acute and  worsening power shortage but government is firmly resolve to address it decisively.  A series of actions and options are being looked into by Malacañang to deal with this,” pahayag pa ni Dureza sa isang statement.

Layunin nitong mabigyang linaw kung ano ang magiging status ng hinihiling na gun ban exemption ng Presidential Anti-Smugling Group (PASG) para sa ilang indibidwal.

Batay sa isinumiteng listahan ng PASG sa Comelec, hinihingi nito na bigyan ng karapatang magbitbit ng baril ang ilan sa mga ito tulad nina businessman Danding Cojuangco, National Press Club (NPC) president Benny Antiporda at isang Jose Taruc.

Kahapon lamang, nagpalabas na ng suspensyon ang Comelec sa kapangyarihan ng PASG na magdala ng anumang armas bilang bahagi ng kanilang pinaigting na gun ban campaign habang nalalapit ang halalan.

Pero sa kabila ng suspensyong ito sinabi naman ni Commissioner Herman Z. Basbaño na patuloy silang nakakatanggap ng ulat na may mga armadong personalidad na nagpapakilalang PASG members sa ilang probinsiya at ginagamit naman ng ilang partisan armed groups.

Ang independent commission againts private armies ay binigyan ng kapangyarihan sa ilalim ng Administrative Order 275 na buwagin ang mga private armies sa bansa kasama na ang mga partisan armed groups bago sumapit ang halalan sa Mayo 10, 2010.

Sa pamamagitan ng isang resolusyong isinulong sa sangguniang panlalawigan, nagkakaisang sinuportahan ng mga miyembro ng konseho ang naging rekomendasyon ng Albay Public Safety and Emergency Management Office (APSEMO) na pagdedeklara sa state of calamity sa lalawigan.

Una ng iniulat ng Provincial Agriculture Statistics (PAS) na higit 5,000 ektarya na ng palayan ang napinsala ng matinding tagtuyot kung saan halos P200 milyon na ang kabuuang halaga ng agricultural products ang nalugi.

Nagdesisyong ideklara ito sa buong lalawigan upang maiwasan ang anumang kalituhan sa pagpapatupad at paggamit ng calamity fund ng mga lokal na pamahalaan.

Samantala, isinusulong na sa kasalukuyan ang pagsasagawa ng cloud seeding sa mga piling lugar sa Albay, pamamahagi ng vegetable seeds at pagtatayo ng mga water pumps sa mga lugar na said na ang suplay ng tubig para sa mga palayan.

Sa ginanap na cabinet meeting sa Malacañang, lima umanong opsyon ang pinag-aaralan na hindi na kailangan pa ang pagpapatibay ng Kongreso.

Ayon kay Executive Secretary Leandro Mendoza sa loob ng apat na araw ay maglalabas ng desisyon ang Palasyo kung paano reresolbahin ang naturang problema.

Kabilang sa mga pangunahing ahensiya na naatasang maghanap ng sulusyon ay ang Department of Energy, Department of Finance, Mindanao Development Authority, National Disaster Coordinating Council (NDCC) at ang private sector.

Gayunman inamin ni Mendoza na posibleng tumaas ang singil sa koryente sa Mindanao sa dahilang ang private sector kasi ang papasok sa lease agreement para punan ang kinakailangang 200 megawatt na power supply sa rehiyon.

Ayon kay Press Secretary Crispulo Icban, kabilang umano sa short term solution ay ang paglilipat ng power barge na nasa Luzon patungong Mindanao.

Pinag-aaralan din umano ang pagbabago sa operasyon ng mga kompaniya sa rehiyon sa gabi dahil sa kokonti lang ang gumagamit ng koryente kumpara sa umaga.

“The problem is only in Mindanao and is going to be over in four months. So what we need is a short term solution that will not be too expensive perhaps that is  feasible.   There maybe proposals that will require the importation of equipment there is just no time for that,” ani Icban.

Sa report ng Bombo Radyo Baguio, ang mga dalagita ay nasa edad na 15 at 17-anyos, habang ang kanilang lola ay nakilalang si Brigida Baro, 60, pawang tubong Bangued, Abra.

Una rito, humingi ng tulong sa Baguio City Police Office ang ama ng dalawa sa dahilang hindi sumasagot ang mga ito ng ilang oras na habang tinatawagan sa cellphone.

Sa pagresponde ng mga pulis, nakita nilang nakabulagta na sa sahig ang duguang bangkay ng mga biktima.

Sa inisyal na pagsisiyasat ng mga otoridad namatay umano ang mga biktima dahil sa multiple stab wounds sa iba’t ibang bahagi ng kanilang katawan.

Maliban diyan, pinaniniwalaang ginahasa pa ang pinakabata sa mga biktima dahilan sa nakitang nakababa na ang kanyang punit punit na underwear.

Sa ngayon ay hindi pa malaman ng mga imbestigador ang motibo sa nasabing krimen at kung sino sino ang may kagagawan.

Nagpapatuloy naman ang follow-up operations ng mga otoridad habang isinailalim na rin sa otopsya ang mga bangkay.

Sinabi ngayon ni deputy presidential spokesperson Charito Planas, hindi pa man umano nakakaupo ang tao ay binabato na ng mga batikos kung ano ang masamang gagawin.

Dapat aniyang bigyan ng pagkakataon ang isang pinagkakatiwalaan ng presidente na mamuno sa isang posisyon.

Inihalimbawa pa nito noong panahon ng administrasyong Aquino na maraming mga tangkang kudeta kaya natural lamang na magtalaga ng chief of staff na pagtitiwalaan.

Nauna ng inihayag ni Sen. Rodolfo Biazon, na nagsilbi ring dating chief of staff, na merong pangamba sa pagtatalaga kay Bangit dahil sa hindi naresolba ang iskandalo sa “Hello Garci” issue, at baka magamit ang heneral upang sagkaan ang election process.

Para naman kay Gen. Ibrado, kumpiyansa siya sa kakayahan ni Bangit, kasabay ng pagdepensa na “unfair” kung iuugnay siya sa pagmanipula sa halalan dahil lamang sa pagiging malapit kay Pangulong Arroyo. Giit nito, ang kanyang successor ay isang professional soldier.

Nauna ng inihayag sa statement ng incoming chief of staff na gagawin niya ang lahat para pagsilbihan ang interes ng sambayanang Pilipino ng lahat ng kanyang makakaya.