GENERAL SANTOS CITY – Narelieve na ug gibalhin didto sa Cotabato City ang gireklamong labaw sa Philippine Security Intelligence nga si P/Sr/Inps. Sonny Bergonio ug gihulipan kini ni Sr/Inps. Wahit.
Kahibaluan, daghan ang nagreklamo batuk sa nahisgutang opesyal kon asa ang Gensan Chamber of Commerce sa pagpanguna ni Mr. Bebot Hao – ang nagpagawas sa maong reklamo nga matud pa, ang mga sakop niini sa PSI ang nabatasan na ang mualsa ug mga bagahe sa mga pasahero sa Gensan airport aron makapangayo ug tip.
Sunod nga mireklamo ug mipasaka ug kasong pagpangulata batuk kang Bergonio mao si Joey Jardiolin, trabahante sa Civil Aviation Authority Office.
Nanukad matud pa ang pagsumbag kang Jardiolin sa dihang nakit-an niining nakadawat ug P60.00 gikan sa misis ni City Mayor Pedro Acharon, Jr. na si Dra. Rose Acharon kon asa sensilyo matud pa sa terminal fee.
Tungod niini, gilayong gi-imbestigahan sa ilang labaw si Sr/Inps. Bergonio ug gibalhin sa laing lugar.
Philippine Peso Exchange Rate
0 Comments.