KORONADAL CITY – Nabalaka karon ang Integrated Provincial Health Office (IPHO) South Cotabato sa pagsaka sang porsiyento sang maternal death sa probinsiya subong nga tuig.
Suno kay Integrated Provincial Health Officer in charge Silvicio Dagang, naglab-ot karon sa 64 tubtub 65 ang nagakapatay tagsa ka tuig humalin sang tuig 2006 ukon nagsaka na ini sa 8.5 porsiyento sa kapin 800 mil nga populasyon sang probinsiya.
Bangud sini, nagsugod na nga ipatuman sang IPHO-South Cotabato ang nagakaigo nga programa aggud masolusyunan ang nasambit nga problema.
Ginpahayag ni Dagang nga isa ka synchronize nga programa sa bug-os nga probinsiya lakip na ang nagkalain-lain nga ahensiya pribado man ukon pampubliko agud matutukan ang mga iloy nga nagadala sa tagsa ka barangay kag agud malikawan liwat ang pagkapatay sang mga ini sa tion nga nagabun-ag sang lapsag.
Igapaidalom man sa interpersonal communication semenar kag iban pa nga training ang mga health workers kasubong sang mga midwife kag BHW para sa mas maayo nga komunikasyon sa mga ginaserbisyuhan nga mga residente sang barangay sa ila tagsa ka lugar.
Philippine Peso Exchange Rate
0 Comments.