BACOLOD CITY – Biktima sang pagpang-abuso sexual ang amazona nga napatay sa engkuwentro sa Cadiz City, Negros Occidental sadtong Domingo rason nga ini ang nagsulod sa hublag sang rebeldeng New People’s Army.

Ini ang ginpahayag sang iloy mismo sang napatay nga si Rotchel Hilado, 19-anyos sang Hunob-Hunob, Escalante City, Negros Occidental matapos na identify ang bata.

Suno sa iloy nga si Ninfa Hilado, naglisensiya gid lamang si Rotchel sadtong nagligad nga tuig nga magapangita sang trabaho sa ciudad sang Bacolod matapos naka-gradwar sa high school apang wala na makapauli.

Ulihi lang sini nahibaluan gikan sa mga kaabyanan sang anak nga ini ang ginhimuslan sang iya kaugalingon nga amay rason nga nagbiya sa ila balay.

Iya ginpadulungan ang bangkay sa Cadiz City matapos nakabaton sang impormasyon nga may kaanggid kay Rotchel ang bangkay sang amazona nga napatay sa encounter.

Sang gintan-aw ang bangkay, positibo sini nga ginkilala ang anak.

BACOLOD CITY – Nagpatigayon sang rally ang mga taga-supporta ni Luis Mondia, ang anay alkalde sang Pulupandan, Negros Occidental nga ginpatay sa Iloilo City.

Ginatos nga mga supporters ang nag-upod sa rally nga nagsugod alas 2:00 sang hapon gikan sa banwa Pulupandan padulong sa Bishop’s house sa ciudad sang Bacolod sa diin ginpatigayon ang prayer rally.

Katuyuan sang lihok amo ang pagpanawagan para sa madasig nga hustisya kay Mondia nga ginluthang sa Jaro, Iloilo City kag politika ang ginatudlo nga motibo.

Nahibaluan nga biktima ang kandidato sa pagka-alkalde sa Pulupandan batok sa incumbent nga alkalde nga si Magdaleno “Magsy” Peña.

Sa subong wala pa sang nadakpan nga suspetsado ang kapulisan apisar sang ila pahayag nga natumod na ang responsable sa krimen.

Si Mondia ang nakatalana nga igalubong sa adlaw sang Domingo, Febrero 28, 2010 sa Sanctuario de Bacolod matapos nadesisyunan sang pamilya nga indi na pagdal-on pa sa ila bawa sa Pulupandan agod makalikaw sa gamo bangod sa political tension.

BACOLOD CITY -Igapaidalom sa refesher course ang 30 ka imbestigador sang Bacolod City Police Office (BCPO)ukon personnel sang Intelligence, Investigation and Detective Management Section (IDMS).

Ini ang ginpahayag ni BCPO director, S/Supt. Celestino Guara Jr., agod mapasanyog ang ikasarang sang mga imbestigador para sa proper procedure sa imbestigasyon sang kaso kag proper preservation of crime.

Ang lihok kasunod sang kapaltahan sang mga imbestigador nga nagresponder sa nahulog nga Pajero sa pier sang Bacolod nga ginkamatay sang duha ka mga sakay sini.

Sa amo nga insidente, napaslawan ang mga imbestigaor nga masunod ang husto nga paagi sa imbestigasyon bangod apisar basic nga pagpahamtang sang police line kag pagdocumento sa krimen paagi sa pagkuha sang litrato sa tanan nga anggulo sang hitabo ang wala mahimo.

Apat ka mga imbestigador sa amo nga insidente ang ginapaidalom sa imbestigasyon sa karon sang City Internal Affairs Service (CIAS) kag posible pasakaan sang kaso administratibo nga misfeasance of duty.

Ang refresher course ang pangunahan sang mga experto gikan sa Police Regional Office 6 sa Campo Delgado, Iloilo City.

BACOLOD CITY- Alerto na ang kapulisan sa ciudad sang Bacolod para sa pagpatuman sang seguridad sa mga simbahan buwas kaangot sa pag obserbar sang Ash Wednesday bilang panugod sang Semana Santa.

Suno kay Bacolod City Police Office Director S/Supt. Celestino Guara Jr., ginmanduan na sini ang hepe sang kapulisan nga may nasakupan nga simbahan nga mag deploy sang personnel ilabi na sa San Sebastian Cathedral nga amo ginalauman nga pagadugukan sang madamo nga mga deboto nga Katoliko.

Ginmando man sini ang pag deploy sang pulis nga naka sibilyan clothes sa sulod mismo sang simbahan agod magbantay sa mga pickpockets kag kawatan nga apisar sa sulod sang balaan nga lugar, nagahimo sang krimen.

Hugot man sini nga gintugon sa kapulisan nga seguruhon nga may police personnel nga bilin sa police station bangod sa posible pagpanghalit sang malain nga mga elemento.

BACOLOD CITY – Duha ka miembro sang mga rebeldeng New People’s Army (NPA) ang ginpahayag nga patay sa natabo nga engkuwentro sa tunga nila sang tropa sang gobierno sa Negros Occidental.

Sa inisyal nga impormasyon nga nakuha sang Bombo Radyo Bacolod, naglab-ot sa 30 nga mga NPA ang na-engkwentro sang mga suldado sa Hda. Rosa, Brgy. San Pablo, Manapla las 5:30 kaina sang aga.

Sa subong, padayon pa ang engkuwentro sa magtimbang nga bahin kon sa diin ginalagas sang mga suldado ang mga nagapalagyo nga mga rebelde.

Naka recover naman ang mga suldalo sang duha ka M16 armalite rifle sa encounter site kaupod ang bangkay sang duha ka mga rebelde nga killed in action.

BACOLOD CITY- Nagpakigbuylog man ang mga Bacoleños sa pagselebrar sang ika-77 nga kaadlawan ni the late President Corazon Aquino kaina.

Ini ang gindumdom paagi sa pag kabit sang mga yellow ribbons sa mga puno sang kahoy kag poste sa ciudad sang Bacolod.

May ginpatigayon man nga Yellow Motorcade” las 2:30 sang hapon nga nagsugod sa capitol lagoon sa diin may mga yellow man nga ribbon ang mga salakyan kag yellow man ang panapton sang mga nag upod.

Nagderetso ang motorcade sa Redemtorist Shrine sa diin ginpatigayon ang misa.

Nagpanguna sa pagdumdom sa celebrasyon ang mga miembro sang volunteer citizens organization kag movements nga nagpasakop sa people power revolution sadtong 1986 nga nagpukan sa pang gobierno ni the late President Ferdinand Marcos.

BACOLOD CITY–Detain na sa Bacolod City Police Station 2 ang suspetsado nga nagcarnap sang salakyan sang Australian national sa isa ka mall sa Bacolod City sadtong Enero 11, 2010.

Si Roberto Susbilla-Villanueva, 30-anyos sang Brgy. Estefania, Bacolod City ang nadakpan kagab-i sa Brgy. 2, Bacolod City sang mga intelligence operatives sang Negros Occidental Police Provincial Office.

Magabakal kuntani ang suspetsado sang shabu sa nasambit nga lugar apang natitktikan sang kapulisan rason nga ila ginbantayan kag gindakop.

Sa interview sa suspetsado gin-ako sini nga siya ang nag carnap sang Suzuki Sedan sang biktima nga si Kurt Schnabel 77-anyos gikan sa basement sang Gaisano City Mall sa Brgy. Singcang-Airport ciudad sang Bacolod agod may ibakal sang druga.

Iya ginpaathag nga nakita lamang niya ang lyabe sang salakyan salog sang basement kag amo ang gingamit agod madala ang salakyan.

Suno sa iya ang car stereo lang kuntani ang iya tuyo apang sang ulihi napinsaran nga dal-on na lang ang salakyan agod dako ang presyo kon mabaligya.

Ang duha naman sini ka abyan ang iya ginpapangita sang buyer sa diin ila nabaligya ang salakyan sa balor nga P20,000.

Ginpanindugan sini nga wala niya makilala ang nagbakal sang salakyan kag wala sang ideya kon ngaa nakalab-ot ini sa banwa sang Binalbagan kag wala na ang mga car accessories.

Madumduman nga narecover ang salakyan sadtong Sabado, Enero 16 nga gin abandonar sa higad sang dalan.

BACOLOD CITY – Dead on arrival sa Western Visayas Regional Hospital ang 33 anyos nga lalake matapos nabun-an kaina sang kaagahon sa merkado sang Bacolod City.

Ang biktima ginkilala kay Elmer Magallo, isa ka bolantero sa Libertad Public Market kag pumuluyo sang San Carlos City.

Ini ang nakaangkon sang fatal nga pilas sa liog nga gintunaan sang iya gilayon nga kamatayon.

Natabo ang insidente las 3:00 sang kaagahon samtang nagakatulog ang biktima sa nasambit nga mercado sang ginpalapitan sang wala makilala nga suspetsado kag ginbuno sa wala man mahibaluan nga rason.

Padayon pa ang imbestigasyon sang kapulisan sa amo nga insidente.

BACOLOD CITY – Tatlo ang patay habang isa naman ang sugatan sa nangyaring sunog kaninang madaling araw sa Talisay City, Negros Occidental.

Sa report ng Bombo Radyo Bacolod, dalawang bangkay na ang na-recover ng mga kasapi ng Bureau of Fire Protection samantalang pinaghahanap pa ang isa na na-trap sa loob ng bahay.

Nangyari ang insidente kaninang ala una ng madaling araw sa bahay ng pamilya Comita na nasa Rizal St., Zone 7, Pilipina Baybay, Talisay City.

Ayon sa inisyal na imbestigasyon, kabilang sa mga nasa loob ng bahay ng mangyari ang sunog ay sina Paul Comita, Jun Comita na may ari ng bahay at ang katulong na si Letty Jimena.

Nakaligtas naman ang isa pang katulong na si Jordan Javier, 13-anyos.

Kinilala naman ang kanilang kapitbahay na tumulong sa pag-apula ng apoy at upang iligtas ang mga namatay na si Romulo Timagos na ngayon ay naka-confine sa Riverside Medical Center.

Sinasabing kandila umano ang pinagmulan ng apoy na inilagay sa altar sa ikalawang palapag ng bahay.

BACOLOD CITY–Naglab-ot sa P455,000 ang nakolekta ng Land Transportation Office-Bacolod sa pagpatuman sang Radio Frequency Identification okon RFID

Ini ang ginpahayag ni Mr. Normal Saril, head sang LTO-Bacolod sa ila pagpatuman sang RFID sumugod satong Nobyembre 4 kon sa diin naglab-ot na sa 1,300 nga mga salakyan ang ila nabutagan sang sticker tag.

Ginpaathag ni Saril nga sa karon ila na gin-untatan ang pagpatuman sang tagging operation kasunod sang status quo order sang Korte Suprema.

Ginpaathag sini nga duha ang ila option kon iga deklarar sang Korte Suprema nga illegal ang pagpatuman sang RFID.

Isa na diri ang pagbalik sang kuwarta sang mga nagkuha sang RFID kag ang ika duha amo ang pagbuhin sini gikan sa registration fee sang mga tag-iya.

Base sa record sang LTO naglab-ot sa 82, 499 ang mga salakyan nga narehistro sa ciudad lamang sang Bacolod.