ILOILO CITY– Madugay nga dumot ang mahimu motibo sa pagpatay sa mag-iloy sa San Rafael, Tigbuan, Iloilo sang nakaligad nga gab-i kun sa diin patay ang mga biktima nga sanday Fausta Juesna, 69 anyos kag Joan Glenn Juesna, 32 anyos samtang pilason naman ang duha ka tuig nga si Joan Glen.
Sa interview sang Bombo Radyo kay SPO4 Rex Habian, imbestigador sang Tigbuan PNP, mahimu madugay na nga planu sang suspek nga patyon ang mga biktima kun sa diin sang nakaligad nga tuig, nakabaton ang mga ini sang pamahog sa ila kabuhi.
Sunu kay Habian, may duda na subong ang pamilya sang mga biktima sa mahimu suspek apang nagbalibad ini sa pagsugid sang ngalan.
Ginpahayag naman sang 12 anyos nga si Johncen Juesna, nga amu ang testigo subong sa krimen, nga apat ka mga lalaki nga lunsay nagasuksok sang bonnet ang nagluthang sa iya lola kag tiya.
Nahibaluan nga nagpanago sa idalum sang katre si Johncen rason nga wala siya nakit-an sang mga suspek kag nakaluwas sa natabu nga krimen.
Philippine Peso Exchange Rate
0 Comments.