Pinoy Balita

ILOILO CITY – Mahimu manabat sa kasuguan sa paglapas sang Labor Code ang pamunuan sang Universal Robina Corporation sugar central sa Barangay Imbang Pequeño, Passi City kasunod sang natukiban nga mga menor de edad nga empleyado sang kumpaniya.

Ini matapos magluntad ang pagkatiphag sang stockpile sang kalamay sa sugar central nga ginapanag-iyahan sang kumpaniya kun sa diin isa ang patay kag pito ang pilason kun sa diin tatlo sa mga ini ang mga menor de edad.

Magluwas sini, natukiban man nga wala sang kontrata nga ginpapirmahan ang nasambit nga kumpaniya sa mga empleyado sini.

Nagbalibad naman sa paghatag sang pahayag ang pamunuan sang kumpaniya may kaangtanan sa natabu nga insidente sa ila sugar central.